ନିର୍ବାଚନ ମୋ ଝିଅର ଜୀବନ ନେଇଗଲା, ଜାଣନ୍ତୁ କାହିଁକି ଏମିତି କହିଲେ ହିମାନୀଙ୍କ ମାଆ

ନନ୍ଦିଘୋଷ ବ୍ୟୁରୋ: ହରିୟାଣାର କଂଗ୍ରେସ ନେତ୍ରୀ ହିମାନୀ ନରଓ୍ବେଲଙ୍କ ମୃତଦେହ ଉଦ୍ଧାର ହେବା ପରେ  ରାଜନୈତିକ ଉଷ୍ମତା ଦେଖିବାକୁ ମିଳିଛି । ସେପଟେ ହିମାନୀଙ୍କ ମାଆ ଏବଂ ଭାଇ କଂଗ୍ରେସକୁ ସମାଲୋଚନା କରିଛନ୍ତି । ହିମାନୀଙ୍କ ମାଆ ସବିତା କହିଛନ୍ତି କି, ମୋ ଝିଅ କଂଗ୍ରେସ ପାଇଁ ଏତେ କରିଛି । ସବୁବେଳେ ସେ ଦଳ ପାଇଁ ଏତେ କାମ କରିଛି । ତଥାପି ଶେଷ ସମୟରେ କେହି ଆସିଲେନି । ଆଉ ଏହି ନିର୍ବାଚନ ପାଇଁ ତା ଜୀବନ ଚାଲିଗଲା । କଂଗ୍ରେସର ଭାରତ ଯୋଡ଼ୋ ଯାତ୍ରାରେ ସାମିଲ ହୋଇଥିଲେ ଦଳକୁ ଜିତାଇବା ପାଇଁ ବହୁ କଷ୍ଟ କରିଛି । କିନ୍ତୁ କଂଗ୍ରେସ ନେତା ଫୋନ କଲେନି କିମ୍ବା ଟିକେ ଦେଖିବାକୁ ଆସିଲେନି । ତେବେ ଅଭିଯୁକ୍ତ ଗିରଫ ନହେବା ପର୍ଯ୍ୟନ୍ତ ଝିଅର ଶେଷକୃତ୍ୟ କରିବି ନାହିଁ ବୋଲି କହିଛନ୍ତି ତାଙ୍କ ମାଆ । ତେବେ ନିର୍ବାଚନ ସମୟରେ ଛୋଟ ଛୋଟ ଝଗଡ଼ା ହେଉଥିବା କଥା କହିଥିଲା ଝିଅ । ମୋ ଝିଅକୁ ଅନ୍ୟମାନେ ସହି ପାରୁନଥିଲେ । କାରଣ ଏତେ ଅଳ୍ପଦିନରେ ଲୋକପ୍ରିୟ ହୋଇଥିବାରୁ ଦଳୀୟ ନେତାମାନେ ମଧ୍ୟ ଇର୍ଷା କରୁଥିବା କହିଛନ୍ତି ।

#WATCH | Body of a woman Congress worker found in a suitcase | Rohtak, Haryana: Savita, mother of deceased Himani Narwal says, "…Election and party claimed my daughter's life. She made some enemies due to that. These (perpetrators) could be even from the party, they could be… pic.twitter.com/cozG3xD4gB

— ANI (@ANI) March 2, 2025