ବିଜୟ ହଜାରେ ଟ୍ରଫି: ତାମିଲନାଡୁକୁ ୧୧ ରନରେ ପରାସ୍ତ କରି ପ୍ରଥମ ଥର ପାଇଁ ଚମ୍ପିଆନ ହେଲା ହିମାଚଳ ପ୍ରଦେଶ

ଜୟପୁର: ଇତିହାସ ରଚିଲା ହିମାଚଳ ପ୍ରଦେଶ । ଚଳିତ ବିଜୟ ହଜାରେ ଟ୍ରଫିରେ ପ୍ରଥମ ଥର ପାଇଁ ଚମ୍ପିଆନ ହୋଇଛି ହିମାଚଳ ପ୍ରଦେଶ । ତାମିଲନାଡୁକୁ ୧୧ ରନରେ ପରାସ୍ତ କରି ଇତିହାସ ରଚିଛି ହିମାଚଳ ପ୍ରଦେଶ । ରବିବାର ଖେଳାଯାଇଥିବା ଫାଇନାଲ ମ୍ୟାଚର ହିରୋ ଥିଲେ ହିମାଚଳ ପ୍ରଦେଶର ଓପନର ବ୍ୟାଟ୍ସମ୍ୟାନ ଶୁଭମ ଅରୋରା । ଯିଏକି ହିମାଚଳ ପ୍ରଦେଶ ପକ୍ଷରୁ ଅପରାଜିତ ୧୩୬ ରନ କରିଥିଲେ ।

#VijayHazareTrophy winners. ?

Congratulations and a round of applause for Himachal Pradesh on their triumph. ? ?#HPvTN #Final pic.twitter.com/bkixGf6CUc

— BCCI Domestic (@BCCIdomestic) December 26, 2021

ରବିବାର ଟସ୍ ଜିତି ବୋଲିଂର ନିଷ୍ପତ୍ତି ନେଇଥିଲା ହିମାଚଳ ପ୍ରଦେଶ । ପ୍ରଥମ ବ୍ୟାଟିଂ କରୁଥିବା ତାମିଲନାଡୁ ନିର୍ଦ୍ଧାରିତ ଓଭର ପୂର୍ବରୁ ସମସ୍ତ ଓ୍ୱିକେଟ ହରାଇ ୩୧୪ ରନ କରିଥିଲେ । ତାମିଲନାଡୁ ପକ୍ଷରୁ ଓ୍ୱିକେଟ କିପର ବ୍ୟାଟ୍ସମ୍ୟାନ ଦିନେଶ କାର୍ତ୍ତିକଙ୍କ ଦମଦାର ୧୧୬ ରନ ଓ ଶାହାରୁଖ ଖାନଙ୍କ ଦ୍ରୁତ ୪୨ ରନ ଫଳରେ ୩୧୪ ରନ କରିବାରେ ସଫଳ ହୋଇଥିଲା ତାମିଲନାଡୁ । ହିମାଚଳ ପ୍ରଦେଶ ପକ୍ଷରୁ ପଙ୍କଜ ଜୈଶଓ୍ୱାଲ ୪ଟି, ଅଧିନାୟକ ରିଷି ଧାଓ୍ୱନ ୩ଟି ଓ୍ୱିକେଟ ଅକ୍ତିଆର କରିଥିଲେ ।

C. H. A. M. P. I. O. N. S ?

Congratulations to Himachal Pradesh on their maiden #VijayHazareTrophy triumph. ? ?#HPvTN #Final pic.twitter.com/NbOivvZI84

— BCCI Domestic (@BCCIdomestic) December 26, 2021

୩୧୫ ରନର ବିଜୟ ଲକ୍ଷ୍ୟ ନେଇ ବ୍ୟାଟିଂ କରିବାକୁ ପଡ଼ିଆକୁ ଓହ୍ଲାଇଥିଲା ହିମାଚଳ ପ୍ରଦେଶ । ହିମାଚଳ ପ୍ରଦେଶ ୪୭.୩ ଓଭରରେ ଚାରି ଓ୍ୱିକେଟ ହରାଇ ୨୯୯ ରନ ସଂଗ୍ରହ କରିଥିଲା । କିନ୍ତୁ ଏହା ପରେ ଖରାପ ଆଲୋକ କାରଣରୁ ଆଉ ଖେଳ ହୋଇ ପାରିନଥିଲା । ଯାହା ଫଳରେ VDJ ନିୟମ ଅନୁସାରେ ହିମାଚଳ ପ୍ରଦେଶ ୧୧ ରନରେ ଏହି ମ୍ୟାଚକୁ ନିଜ ନାମରେ କରିଥିଲା । ହିମାଚଳ ପ୍ରଦେଶ ପକ୍ଷରୁ ଶୁଭମ ଅରୋରା ୧୩୬ ରନ, ଅମିତ କୁମାର ୭୪ ଓ ରିଷି ଧାଓ୍ୱନ ୪୨ ରନ କରିଥିଲେ । ଫାଇନାଲରେ ଦମଦାର ଶତକ ପାଇଁ ଶୁଭମ ଅରୋରାଙ୍କୁ ମିଳିଥିଲା ମ୍ୟାନ ଅଫ ଦି ମ୍ୟାଚ ପୁରସ୍କାର ।