ଆଜି ଶପଥ ନେବେ ହିମାଚଳର ନୂଆ ମୁଖ୍ୟମନ୍ତ୍ରୀ ସୁଖବିନ୍ଦର ସିଂ ସୁଖୁ

ଶିମଲା: ପାହାଡି ରାଜ୍ୟ ହିମାଚଳ ପାଇବ ନୂଆ ମୁଖ୍ୟମନ୍ତ୍ରୀ । ସୁଖବିନ୍ଦର ସିଂ ସୁଖୁ ହିମାଚଳ ପ୍ରଦେଶ ମୁଖ୍ୟମନ୍ତ୍ରୀ । ପ୍ରତିଭାଙ୍କ ସମର୍ଥକ ମୁକେଶ ଅଗ୍ନିହୋତ୍ରୀ ଉପମୁଖ୍ୟମନ୍ତ୍ରୀ ହେବେ । ଆଜି ନେବେ ଶପଥ । ଲୋକସଭା ସାଂସଦ ଯୋଗୁଁ ପ୍ରତିଭା ସିଂ ମୁଖ୍ୟମନ୍ତ୍ରୀ ରେସରେ ପଡିଗଲେ । ସୁଖବିନ୍ଦର ସିଂହ ହିମାଚଳ କଂଗ୍ରେସର ଜଣେ ଟାଣୁଆ ନେତା । ଦଳ ପ୍ରତି ରହିଛି ନିଷ୍ଠା ଓ ରାଜନୀତିରେ ବିଚକ୍ଷଣ । ସମାଜସେବାରେ ରହିଛି ଆଗ୍ରହ । ଦୀର୍ଘ ୪୦ ବର୍ଷ ଧରି କଂଗ୍ରେସ ସହ ଜଡ଼ିତ ସୁଖବିନ୍ଦର ସିଂ ସୁଖୁ ।

ରାଜ୍ୟବାସୀଙ୍କ ଆଗରେ ତାଙ୍କର ସ୍ବତନ୍ତ୍ର ପ୍ରତିଛବି ରହିଛି । ଖାସ ଏଇଥିପାଇଁ ଲଗାତାର ଚତୁର୍ଥ ଥର ପାଇଁ ବିଧାୟକ ହୋଇଥିବା ସୁଖବିନ୍ଦର ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି । ପାଠ ପଢୁ ପଢୁ ରାଜନୀତି ଆରମ୍ଭ କରିଥିଲେ ସୁଖବିନ୍ଦର ସିଂ । ଆଇନରେ ଅଧ୍ୟୟନ ପରେ ଛାତ୍ର ରାଜନୀତିରେ ସକ୍ରିୟ ଭୂମିକା ଗ୍ରହଣ କରିଥିଲେ । ୧୯୮୮ରୁ ୧୯୯୫ ପର୍ଯ୍ୟନ୍ତ ଏନଏସୟୁଆଇର ଅଧ୍ୟକ୍ଷ ମଧ୍ୟ ଥିଲେ । ଏଇଥିପାଇଁ ତୃଣମୂଳ ରାଜନୀତିରେ ସୁଖବିନ୍ଦରଙ୍କରଦବଦବା ରହିଛି । ରାଜନୀତିରେ ବଡ଼ ବଡ଼ ନେତାଙ୍କୁ ଟକ୍କର ଦେବା ଭଳି ସାହସ ରଖିଛନ୍ତି ସୁଖବିନ୍ଦର ।