ହିମାଚଳ ପ୍ରଦେଶରେ ଭୁସ୍ଖଳନ; ଆକାଶ ମାର୍ଗରୁ ସ୍ଥିତି ସମୀକ୍ଷା କଲେ ମୁଖ୍ୟମନ୍ତ୍ରୀ

କିନୌର: ହିମାଚଳ ପ୍ରଦେଶରେ ପ୍ରକୃତିର କରାଳରୂପ । ଭୂସ୍ଖଳନରେ ଯାଉଛି ଗୋଟିଏ ପରେ ଗୋଟିଏ ଜୀବନ । କିନୌରରେ ଭୁସ୍ଖଳନ ଯୋଗୁଁ ସ୍ଥିତି ଭୟାବହ ଥିବାବେଳେ ମୃତ୍ୟୁ ସଂଖ୍ୟା ୧୩କୁ ବୃଦ୍ଧି ପାଇଛି । ଏଯାବତ କିନୌରରୁ ୧୩ ଜଣକ ମୃତଦେହ ଉଦ୍ଧାର ହୋଇଥିବା ନେଇ ITBP ପକ୍ଷରୁ ସୂଚନା ଦିଆଯାଇଛି ।

Kinnaur landslide | Rescue and search operation stopped for the last one hour due to shooting stones coming from uphill. Total 13 dead bodies have been retrieved since yesterday: ITBP#HimachalPradesh pic.twitter.com/x7cAdclacC

— ANI (@ANI) August 12, 2021

ସୂଚନା ଅନୁଯାୟୀ, ଆହତ ହୋଇଥିବା ୧୪ ଜଣକୁ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ପରିସ୍ଥିତିକୁ ନଜରରେ ରଖି ହେଲ୍ପ ଲାଇନ୍ ନମ୍ବର ଜାରି କରିଛି କିନୌର ପୋଲିସ । ଗତକାଲିଠାରୁ କିନୌରରୁ ITBP , NDRF ଓ ପୋଲିସ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି ।

ଏଭଳି ସ୍ଥଳେ ହିମାଚଳ ମୁଖ୍ୟମନ୍ତ୍ରୀ ଜୟରାମ ଠାକୁର ଉଦ୍ଧାର କାର୍ଯ୍ୟ ସମ୍ପର୍କରେ ପୋଲିସ ଓ ସ୍ଥାନୀୟ ପ୍ରଶାସନ ସହ ଆଲୋଚନା କରିଛନ୍ତି। ଏଥିସହିତ ଆକାଶ ମାର୍ଗରୁ ପ୍ରଭାବିତ ଅଞ୍ଚଳ ବୁଲି ସ୍ଥିତି ସମୀକ୍ଷା କରିଛନ୍ତି ।

Himachal Pradesh Chief Minister Jairam Thakur conducts aerial survey of the landslide-hit area in Kinnaur

A total of 13 bodies have been recovered so far from the landslide site in the Nugulsari area. pic.twitter.com/1oWJXMSxR2

— ANI (@ANI) August 12, 2021

ସେପଟେ ଜୟରାମଙ୍କ ସହ କଥା ହୋଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହ । କେନ୍ଦ୍ର ପକ୍ଷରୁ ସମସ୍ତ ସହାୟତା ଦିଆଯିବ ବୋଲି କହିଛନ୍ତି ଗୃହମନ୍ତ୍ରୀ । ଅପରପକ୍ଷେ ଏକ ବସରେ ୪୦ ଯାତ୍ରୀ ଯାଉଥିବାବେଳେ ରେକୋଙ୍ଗ ପିଓଠାରେ ଏହି ଦୁର୍ଘଟଣା ଘଟିଥିଲା । ହଠାତ୍ ଭୁସ୍ଖଳନ ହେବାଫଳରେ ମାଟି ତଳେ ଚାପି ହୋଇ ରହିଥିଲେ ଯାତ୍ରୀ ।