ଏକଜିଟ୍ ପୋଲ୍: ହିମାଚଳରେ କଂଗ୍ରେସ ଓ ବିଜେପି ମଧ୍ୟରେ କଡ଼ା ଟକ୍କର ! ଖାତା ଖୋଲିପାରିବନି ଆପ୍

ସିମଲା: ହିମାଚଳ ପ୍ରଦେଶରେ କଂଗ୍ରେସ ଓ ବିଜେପି ମଧ୍ୟରେ କଡ଼ା ଟକ୍କର ଦେଖିବାକୁ ମିଳିବ । ବିଭିନ୍ନ ସଂସ୍ଥାର ଏକଜିଟ୍ ପୋଲ୍ ଅନୁସାରେ ଏଥର ବି ପରମ୍ପରା ଏଠାରେ ଜାରି ରହିବ । ୩୭ ବର୍ଷ ହେବ କଂଗ୍ରେସ ଗୋଟିଏ ଟର୍ମ ଓ ବିଜେପି ଗୋଟିଏ ଟର୍ମ ଜିତି ଆସୁଛି । ଚଳିତଥର ଯେଉଁ କୁହାଯାଉଥିଲା ବିଜେପି ପରମ୍ପରା ଭାଙ୍ଗି ଲଗାତାର ଦ୍ୱିତୀୟ ଥର ପାଇଁ ସରକାର ଗଢି଼ବ ତାକୁ ନେଇ ଅନିଶ୍ଚିତତା ଦେଖାଦେଇଛି ।

କଂଗ୍ରେସ ଓ ବିଜେପି ମଧ୍ୟରେ କଡ଼ା ଟକ୍କର ଦେଖିବାକୁ ମିଳିବ । ଅବଶ୍ୟ ୮ ତାରିଖରେ ସ୍ପଷ୍ଟ ହୋଇଯିବ ଯେ କିଏ ସେଠାରେ ସରକାର ଗଠନ କରିବ । ହେଲେ ବିଭିନ୍ନ ସଂସ୍ଥାର ଏକଜିଟ୍ ପୋଲ୍ କଡ଼ା ମୁକାବିଲା ନେଇ ଭବିଷ୍ଯବାଣୀ କରିଛି । ସେହିପରି ପ୍ରଥମ କରି ଏଣ୍ଟ୍ରି ମାରିଥିବା ଆପ୍ କୁ ବିଫଳତା ମିଳୁଥିବାର ଦେଖାଯାଇଛି । ଖାତା ଖୋଲିବାରେ ବିଫଳ ହୋଇଯିବ ଆପ୍ । ଆଜତକ୍-ଆକ୍ସିସର ସର୍ଭେ ଅନୁସାରେ ବିଜେପି ୨୪-୩୪ ଆସନ ଜିତିବା ସହ ସରକାର ଗଠନ କରିବ ।

କଂଗ୍ରେସ ୩୦-୪୦ ଆସନ, ଆପ୍ ଶୂନ ଆସନ ଏବଂ ଅନ୍ୟ ୪-୮ ଆସନ ଜିତିବା ନେଇ ଆକଳନ କରାଯାଇଛି । ଏବିପି-ସି ଭୋଟର ସର୍ଭେ ଅନୁସାରେ ବିଜେପିକୁ ୩୩-୪୧, କଂଗ୍ରେସକୁ ୨୪-୩୨, ଆପ୍କୁ ଶୂନ ଓ ଅନ୍ୟକୁ ୦-୪ ଆସନ ମିଳିବ । ରିପବ୍ଲିକ- ପି ମାର୍କ ସର୍ଭେ ଅନୁସାରେ ବିଜେପି ୩୪-୩୯ ଆସନ, କଂଗ୍ରେସ ୨୮-୩୩, ଆପ୍ ୦-୧ ଆସନ, ଅନ୍ୟ ୧-୪ ଆସନ ଜିତିବେ ।

ନ୍ୟୁଜ ୨୪-ଚାଣକ୍ୟା ସର୍ଭେ ଅନୁସାରେ ବିଜେପିକୁ ୩୩, କଂଗ୍ରେସକୁ ୩୩, ଆପ୍କୁ ଶୂନ ଆସନ, ଅନ୍ୟକୁ ୨ ଆସନ । ଟାଇମ୍ସ ନାଓ-ଇଟିଜି ସର୍ଭେ ଅନୁସାରେ ବିଜେପିକୁ ୩୪-୪୨, କଂଗ୍ରେସକୁ ୨୪-୩୨, ଆପ୍କୁ ଶୂନ ଓ ଅନ୍ୟକୁ ୧-୩ ଆସନ । ଟିଭି ୯-ଭାରତବର୍ଷ ସର୍ଭେ ଅନୁସାରେ ବିଜେପି ୩୩, କଂଗ୍ରେସ ୩୧, ଆପ୍ ଶୂନ ଓ ଅନ୍ୟ ୪ ଆସନ ଜିତିବେ । ତେବେ ଏହି ଆକଳନ କେତେ ସତ ହେବ ତାହା ୮ ତାରିଖରେ ସ୍ପଷ୍ଟ ହୋଇଯିବ ।