ଆମେରିକରେ ସର୍ବାଧିକ ଆକ୍ରାନ୍ତ, ଇଟାଲୀରେ ସର୍ବାଧିକ ଲୋକଙ୍କ ମୃତ୍ୟୁ

ଭୁବନେଶ୍ୱର: ମୁଣ୍ଡ ପରେ ମୁଣ୍ଡ ଗଡ଼ାଇ ଚାଲିଛି ଭୟଙ୍କର ଭୂତାଣୁ କରୋନା । ଏଯାବତ୍ ସାରା ବିଶ୍ୱରେ ମୋଟ ମୃତ୍ୟୁ ସଂଖ୍ୟା ୮୨ ଟପିଥିବା ବେଳେ ୧୪ ଲକ୍ଷ ୩୧ ହଜାର ୭୦୬ ଜଣ ଆକ୍ରାନ୍ତ ହୋଇଛନ୍ତି ।  ।  ତେବେ ଏହି ଭୟଙ୍କର ଭୂତାଣୁ କବଳରୁ ୩ ଲକ୍ଷ ୨ହଜାର ୧୫୦ ଜଣ ମୁକୁଳିଛନ୍ତି ବା ସୁସ୍ଥ ହୋଇଛନ୍ତି ।

ଅପରପକ୍ଷରେ ସର୍ବାଧିକ ପ୍ରଭାବିତ ରାଷ୍ଟ୍ର ତାଲିକାର ଶୀର୍ଷରେ ରହିଛି ଆମେରିକା । ଏଠାରେ ମୋଟ ୪ଲକ୍ଷ ୪୧୨ ଜଣ ଆକ୍ରାନ୍ତ ହୋଇଥିବା ବେଳେ ୧୨ ହଜାର ୮୫୪ ଲୋକ ମୃତ୍ୟୁ ବରଣ କରିଛନ୍ତି । ଆମେରିକା ତଳକୁ ରହିଛି ସ୍ପେନ୍‌ । ଯେଉଁଠାରେ  ୧ଲକ୍ଷ ୪୧ ହଜାର ୯୪୨ ଜଣ ଆକ୍ରାନ୍ତ ହୋଇଥିବା ବେଳେ ମୋଟ ୧୪ ହଜାର ୦୪୫ ଜଣଙ୍କ ଲୋକ ମୃତ୍ୟୁ ବରଣ କରିଛନ୍ତି । ତାଲିକାର ତୃତୀୟ ସ୍ଥାନରେ ରହିଛି ଇଟାଲୀ । ଯେଉଁଠାରେ ସର୍ବାଧିକ ଲୋକ ମୃତ୍ୟୁ ବରଣ କରିଛନ୍ତି । ସେଠାରେ ଏ ଯାଏଁ ମୋଟ ୧୭ ହଜାର ୧୨୭ ଜଣ ମୃତ୍ୟୁ ବରଣ କରିଛନ୍ତି ଓ ୧ଲକ୍ଷ ୩୫ ହଜାର ୫୮୬ ଜଣ ଆକ୍ରାନ୍ତ ହୋଇଛନ୍ତି ।