ନନ୍ଦିଘୋଷ ବ୍ୟୁରୋ: ଯୁଦ୍ଧର ବାର୍ଷିକୀ ଅବସରରେ ଇସ୍ରାଏଲକୁ ହିଜବୁଲ୍ଲାର ବଡ ଉପହାର । ବେରୁଟରେ ଇସ୍ରାଏଲର ବୋମା ବିସ୍ଫୋରଣ ମଧ୍ୟରେ ହିଜ୍ଜବୁଲା ପୁଣି ଥରେ ଇସ୍ରାଏଲର ପୋର୍ଟ ସିଟି ହାଇଫା ସହରକୁ ଦୋହଲାଇ ଦେଇଛି। ଦକ୍ଷିଣ ଲେବାନନରୁ ଇସ୍ରାଏଲର ପୋର୍ଟ ସିଟି ହାଇଫା ସହର ଉପରେ କ୍ଷେପଣାସ୍ତ୍ର ମାଡ କରାଯାଇଛି । ଆଜି ଯୁଦ୍ଧକୁ ବର୍ଷ ପୁରୁଥିବା ଉଦ୍ଦେଶ୍ୟରେ ଏହି ଆକ୍ରମଣ କରାଯାଇଛି ।ଇସ୍ରାଏଲ ବାୟୁ ସେନାର ଏହି ରକେଟଗୁଡ଼ିକୁ ଅଟକାଇବାରେ ବିଫଳ ହୋଇଥିବା ବେଳେ ମାତ୍ର ୫ଟି ରକେଟକୁ ନଷ୍ଟ କରିବାରେ ସକ୍ଷମ ହେଇଛି ।
ଏହି ଆକ୍ରମଣରେ ପ୍ରାୟ ୧୦ଜଣ ଆହତ ହୋଇଥିବାବେଳେ ସମଗ୍ର ଅଞ୍ଚଳ ଧ୍ବଂସ ହେଇଯାଇଛି । ତେବେ ଗତ ମାସରେ ବେରୁଟରେ ଇସ୍ରାଏଲ୍ ବିସ୍ଫୋରଣରେ ପ୍ରାଣ ହରାଇଥିବା ହିଜବୁଲ ନେତା ହାସନ ନାସରାଲ୍ଲାଙ୍କୁ ଉତ୍ସର୍ଗ କରି ଏହି ଆକ୍ରମଣ କରାଯାଇଛି ।
ହମାସ ପରି ଇସ୍ରାଏଲର ସୁରକ୍ଷା କର୍ଡନ ଭାଙ୍ଗି ହାଇଫା ଉପରେ କ୍ଷେପଣାସ୍ତ୍ର ମାଡ କରି ଚମକାଇ ଦେଇଛି ହିଜ୍ଜବୁଲା ।ଏହି ଆକ୍ରମଣ ଲେବାନନରେ ଚାଲିଥିବା ଇସ୍ରାଏଲର ଆକ୍ରମଣର ପ୍ରତିଜବାବ ବୋଲି କୁହାଯାଉଛି । ହିଜ୍ଜବୁଲା ନିଜ ପ୍ରତିକ୍ରିୟାରେ କହିଛି ଯେ ସେମାନେ ହାଇଫା ପୋର୍ଟ ନିକଟରେ ଇସ୍ରାଏଲର ସାମରିକ ବେସକୁ ଟାର୍ଗେଟ କରିଛନ୍ତି। ଏହାପୂର୍ବରୁ ହାଇଫାର ଦକ୍ଷିଣରେ ଥିବା ଅନ୍ୟ ସ୍ଥାନରେ ମଧ୍ୟ ଦୁଇଟି ଆକ୍ରମଣ କରାଯାଇଥିଲା।
ଦକ୍ଷିଣ ଲେବାନନର କ୍ଷେପଣାସ୍ତ୍ର ମାଡକୁ ଇସ୍ରାଏଲ ରୋକିବାକୁ ସକ୍ଷମ ହେଇନଥିବା ବେଳେ ସାଇରନ ଯୋଗୁ ବହୁ ଲୋକଙ୍କର ପ୍ରାଣ ବଞ୍ଚିଯାଇଛି । ଲୋକମାନେ ବୋମା ଆଶ୍ରୟସ୍ଥଳକୁ ଦୌଡି ଯିବା ଫଳରେ ଜୀବନ ବଞ୍ଚିଯିବା ସହିତ ମହାବିନାଶ ହେବାରୁ ରକ୍ଷା ପାଇଗଲା ଇସ୍ରାଏଲ । ହିଜବୁଲଙ୍କ ଏହି ଆକ୍ରମଣ ବେରୁଟରେ ଇସ୍ରାଏଲର ବିସ୍ଫୋରଣ ପରେ ହୋଇଥିଲା। ରବିବାରର ବିସ୍ଫୋରଣରେ ଲେବାନନ ଅନ୍ତର୍ଜାତୀୟ ବିମାନବନ୍ଦରକୁ ଯାଉଥିବା ରାସ୍ତାକୁ ଟାର୍ଗେଟ କରିଥିଲା ଏବଂ ଏହା ନିକଟରେ ଥିବା ଅନେକ କୋଠାକୁ ଟାର୍ଗେଟ କରାଯାଇଥିଲା। ଏହା ବ୍ୟତୀତ ଇସ୍ରାଏଲ୍ ଏହି ଆକ୍ରମଣର ପ୍ରତିଜବାବରେ ଲେବାନନ୍ ନ୍ୟୁଜ୍ ଚ୍ୟାନେଲ୍ ଅଲ-ମାନାରର କୋଠାକୁ ଧ୍ବଂସ କରିଦେଇଛି ।
