ଘରେ ରଖନ୍ତୁ ଏସବୁ ଜିନିଷ, କେବେ ରହିବନି ଆର୍ଥିକ ସମସ୍ୟା

ନୂଆଦିଲ୍ଲୀ: ଭଲରେ ଜୀବନଯାପନ କରିବା ଲାଗି ଅର୍ଥ ଉପାର୍ଜନ ଜରୁରୀ । କେହି କେହି ବ୍ୟକ୍ତି ଅଳ୍ପ ପରିଶ୍ରମରେ ଅଧିକ ଆୟ କରୁଥିବା ବେଳେ ଆଉ କେହି କଠିନ ପରିଶ୍ରମ ସତ୍ୱେ ସଫଳ ହୋଇପାରନ୍ତି ନାହିଁ। କୁହାଯାଏ ଘରେ କୗେଣସି ପ୍ରକାର ବାସ୍ତୁଦୋଷ ରହିଲେ ମା’ ଲକ୍ଷ୍ମୀ କୋପ କରିଥାନ୍ତି । ତେବେ ଏଭଳି କିଛି ଜିନିଷ ରହିଛି ଯାହାକୁ ଘରେ ରଖିଲେ ବାସ୍ତୁଦୋଷ ଦୂର ହେବା ସହ ଆର୍ଥିକ ସମସ୍ୟା ଦୂର ହୋଇଥାଏ । ଆସନ୍ତୁ ଜାଣିବା, ଘରେ କେଉଁସବୁ ଜିନିଷ ରଖିଲେ ଆର୍ଥିକ ସମସ୍ୟା ଦୂର ହେବ…

ଘୋଡା ନାଲ-

ଘୋଡା ନାଲରେ ଲେମ୍ବୁ ଓ ଲଙ୍କା ଲଗାଇ ଘରର କବାଟ ମଝିରେ ଟାଙ୍ଗି ଦିଅନ୍ତୁ। ଫଳରେ ଘର ଉପରେ କାହାର ନଜର ପଡିବନି । ଘୋଡା ନାଲ ଘରକୁ ସୁରକ୍ଷା ଦେବା ସହ ସୁଖ ସମୃଦ୍ଧି ଆଣିଦେଇଥାଏ । ଜ୍ୟୋତିଷ ଶାସ୍ତ୍ର ଅନୁସାରେ ଏହା ଘରୁ ନକରାତ୍ମକ ଶକ୍ତିକୁ ଦୂରେଇ ଦେଇଥାଏ ।

ଚାଇନିଜ୍ ମୁଦ୍ରା-

ଫେଙ୍ଗସୁଇରେ ଚାଇନିଜ୍ ମୁଦ୍ରା ଅତ୍ୟନ୍ତ ଖାସ୍ ବୋଲି ବିବେଚନା କରାଯାଏ | ଯଦି ତିନୋଟି ମୁଦ୍ରାକୁ ଲାଲ ରିବନରେ ବାନ୍ଧି ଘରେ ରଖିଲେ ଘରର ସମସ୍ତ ନକାରାତ୍ମକ ଶକ୍ତି ଦୂର ଯାଇଥାଏ| ଏହି ତିନୋଟି ମୁଦ୍ରାକୁ ତ୍ରିଭୁବନର ପ୍ରତୀକ ତଥା ତିନି ଦେବୀଙ୍କର ପ୍ରତୀକ ଭାବରେ ବିବେଚନା କରାଯାଇଥାଏ।

ଲାଫିଙ୍ଗ ବୁଦ୍ଧ-

ଧନ ପୁଟୁଳି ଧରା ଲାଫିଙ୍ଗ ବୁଦ୍ଧଙ୍କୁ ଘରେ ରଖିଲେ ଶୁଭ ବୋଲି ବିବେଚିତ କରାଯାଇଥାଏ । ତେବେ ଏହି ପ୍ରତିମୂର୍ତ୍ତି ଅଢେଇ ଇଞ୍ଚରୁ ବଡ ହେବା ଉଚିତ ନୁହେଁ। ଏହାଠାରୁ ବଡ ମୂର୍ତ୍ତି ରଖିଲେ ଘରେ ବାସ୍ତୁଦୋଷ ଉତ୍ପନ ହୋଇପାରେ। ବାସ୍ତ୍ରୁଶାସ୍ତ୍ରରେ ଲାଫିଙ୍ଗ ବୁଦ୍ଧଙ୍କୁ ସମୃଦ୍ଧିର ପ୍ରତୀକ ଭାବରେ ବିବେଚନା କରାଯାଇଥାଏ । ଏହି ମୂର୍ତ୍ତିକୁ ଘରର ଉତ୍ତର-ପଶ୍ଚିମ ଦିଗରେ ରଖିବା ଶୁଭ। ଏଥିସହିତ ଘରେ କେବେ ଆର୍ଥିକ ସମସ୍ୟା ରହିନଥାଏ ।