ଚାଷ ଜମିରେ ତାଣ୍ଡବ କରୁଛନ୍ତି ୮୦ ହାତୀ
କୋଲକାତା: ହାତୀ ପଲଙ୍କ ତାଣ୍ଡବ । ଦଳବଳ ହୋଇ ଆସୁଛନ୍ତି କ୍ଷେତରେ ପଶି ସବୁକିଛି ଛାରଖାର କରିଦେଇଛନ୍ତି । ଚାଷୀ ଆଖି ଆଗରେ ଉଜୁଡି ଯାଉଛି ତା’ ସୁନା ଫସଲ, ହେଲେ କେବଳ ଦେଖିବା ଛଡ଼ା କିଛି କରିପାରୁ ନାହାନ୍ତି ।
୮୦ଟି ହାତୀ ଥିବା ଏହି ବଡ଼ ଦଳ ଖାଲି ଫସଲ ନଷ୍ଟ କରୁନାହାନ୍ତି, ଆଗରେ ଯାହା ପଡ଼ିଲା ସେ ଘରଦ୍ବାର ହେଉପଛେ ଭାଙ୍ଗି ଦେଉଛନ୍ତି । ହାତୀଙ୍କ ଏମିତି ଆତଙ୍କ ଦେଖିବାକୁ ମିଳିଛି ପଶ୍ଚିମବଙ୍ଗର ବାଙ୍କୁଡ଼ା ଜିଲ୍ଲାରେ ।
ଏପଟେ ହାତୀଙ୍କୁ ଘଉଠାଇବାକୁ ପ୍ରସ୍ତୁତି ଆରମ୍ଭ କରିଛି ବନ ବିଭାଗ । ଏନେଇ ଉଚ୍ଚସ୍ତରୀୟ ବୈଠକ ବି ହୋଇଯାଇଛି । ଶୀଘ୍ର ହାତୀ ପଲଙ୍କୁ ଜଙ୍ଗଲକୁ ଘଉଡାଇ ଦିଅାଯିବ ବୋଲି ବନ ବିଭାଗ ପକ୍ଷରୁ କୁହାଯାଇଛି ।
