ବିଶ୍ୱାସ ଭୋଟ ଜିତିଲେ ହେମନ୍ତ ସୋରେନ, ସପକ୍ଷରେ ୪୮ ଭୋଟ୍
ରାଞ୍ଚି: ଝାଡ଼ଖଣ୍ଡରେ ବିଶ୍ବାସ ଭୋଟ ଜିତିଲେ ସୋରେନ । ବିଧାନସଭାରେ ବହୁମତ ସାବ୍ୟସ୍ତ କଲେ ମେଣ୍ଟ ସରକାର । ୮୧ ମଧ୍ୟରୁ ସୋରେନଙ୍କ ସପକ୍ଷରେ ୪୮ ଭୋଟ୍ ପଡ଼ିଛି । ଭୋଟିଂ ବେଳେ ବିଧାନସଭାରୁ ଓ୍ବାକଆଉଟ୍ କଲା ବିଜେପି । ସ୍ୱତନ୍ତ୍ର ଅଧିବେଶନ ପୂର୍ବରୁ ସୋରେନ ବିଜେପିକୁ ଚ୍ୟାଲେଞ୍ଜ କରି କହିଥିଲେ ଯେଉଁ ଜାଲ ଆମ ପାଇଁ ବିଛାଯାଇଥିଲା, ସେହି ଜାଲରେ ବାନ୍ଧି ବାହାର କରିଦିଆଯିବ ।
ସୋରେନ ଏବଂ ତାଙ୍କ ପାର୍ଟି ଜେଏମଏମ ବିଜେପି ଉପରେ ସଙ୍କଟ ଫାଇଦା ଉଠାଇବାର ପ୍ରୟାସ ଏବଂ ନିର୍ବାଚିତ ସରକାରଙ୍କୁ ଭାଙ୍ଗିବା ପାଇଁ ଷଡ଼ଯନ୍ତ୍ର କରିବାର ଅଭିଯୋଗ କରିଛି । ଅନ୍ୟପକ୍ଷରେ ବିଜେପି କହିଛି ହେମନ୍ତ ସୋରେନଙ୍କୁ ବିଧାୟକ ରୂପରେ ଅଯୋଗ୍ୟ ଘୋଷିତ କରାଯିବା ଆବଶ୍ୟକ । ସୂଚନାଥାଉକି ଅଫିସ୍ ଅଫ ପ୍ରଫିଟ ମାମଲାରେ ହେମନ୍ତ ସୋରେନ ଫସିଥିଲେ ।
ଏହି କାଣରୁ ନିର୍ବାଚନ ଆୟୋଗ ତାଙ୍କୁ ଅଯୋଗ୍ୟ ଘୋଷିତ କରିବା ପାଇଁ ରାଜ୍ୟପାଳନଙ୍କ ଦୃଷ୍ଟି ଆକର୍ଷଣ କରିଥିଲେ । ଏହାପରେ ସୋରେନ ସରକାର ବଞ୍ଚାଇବା ପାଇଁ ମେଣ୍ଟ ବିଧାୟକମାନଙ୍କୁ ଏକାଠି ହୋଟେଲରେ ରଖିଥିଲେ । ଏମିତି କି କିଛିଦିନ ପାଇଁ କଂଗ୍ରେସ ଶାସିତ ଛତିଶଗଡ଼ର ରାୟପୁରରେ ବିଧାୟକମାନଙ୍କୁ ରଖାଯାଇଥିଲା । ସ୍ୱତନ୍ତ୍ର ଅଧିବେଶନ ପାଇଁ ଆଜି ସେମାନେ ରାଞ୍ଚି ଆସିଥିଲେ।
