ପାଟକୁରା: ସହାୟତା ଖୋଜୁଛନ୍ତି ପକ୍ଷାଘାତ ରୋଗୀ । ଜଣେ ହାସ୍ୟ କଳାକାର ଭାବେ ଅନେକ ମଞ୍ଚରେ ସମ୍ମାନିତ ହୋଇଥିବା ସଞ୍ଜୟ ଏବେ ଶଯ୍ୟାସାୟୀ । ଶରୀରର ଅନେକ ସ୍ନାୟୁ ଦୁର୍ବଳ ହୋଇପଡିଛି । ସହପାଠୀ ଓ ସାଙ୍ଗ ମାନେ ସହାୟତାର ହାତ ବଢ଼ାଇଛନ୍ତି । ପକ୍କାଘର ନଥିବାରୁ ହନ୍ସସନ୍ତ ହେଉଛନ୍ତି ସଞ୍ଜୟ ।
ସହାୟତା ଖୋଜୁଛନ୍ତି ପକ୍ଷାଘାତ ରୋଗୀ। ଜନ୍ମରୁ ସାମାନ୍ୟ ଭିନ୍ନକ୍ଷମ ଥିଲେ ପାଟକୁରାର ସଞ୍ଜୟ ଜେନା। ତଥାପି ଉଚ୍ଚ କୋଟିର ପ୍ରତିଭା ଭରି ରହିଥିଲା ତାଙ୍କ ପାଖରେ। ଜଣେ ହାସ୍ୟ କଳାକାର ଭାବେ ଅନେକ ମଞ୍ଚରେ ସମ୍ମାନୀତ ହୋଇଥିବା ସଞ୍ଜୟ ନିଜ ଶିକ୍ଷାଗତ ଯୋଗ୍ୟତା ବଳରେ ଛୋଟ ଛୋଟ ପିଲାଙ୍କୁ ଟିଉସନ ମଧ୍ୟ କରୁଥିଲେ। ହେଲେ ଗୋଟେ ଦୁର୍ଘଟଣା ବଦଳାଇଦେଲା ସଞ୍ଜୟଙ୍କ ଜୀବନ। ପକ୍ଷଘାତ ରୋଗରେ ପୀଡିତ ହୋଇ ସେ ବର୍ତ୍ତମାନ ଶଯ୍ୟାସାୟୀ। ସଂଜୟଙ୍କ ଶରୀରର ଅନେକ ସ୍ନାୟୁ ଦୁର୍ବଳ ହୋଇପଡିଛି। ଅବିବାହିତ ଥିବାରୁ ସେବା କରିବାକୁ କେହି ନାହାନ୍ତି। ସମ୍ପର୍କୀୟ ଭାଇ ମାନେ ସଞ୍ଜୟଙ୍କ ସେବା କରନ୍ତି ସତ କିନ୍ତୁ ତାହା ସବୁବେଳେ ସମ୍ଭବ ହୁଏନି । ଆଜି ପର୍ଯ୍ୟନ୍ତ ସଂଜୟ ଙ୍କ ଚିକିତ୍ସା ପାଇଂ କୌଣସି ସରକାରୀ ସହାୟତା ମିଳିନଥିବା ବେଳେ ତାଙ୍କର ପକ୍କା ଘର ଖଣ୍ଡିଏ ମଧ୍ୟ ନାହିଁ।
ସଂଜୟଙ୍କ ଏଭଳି ଦୁରାବସ୍ଥା ଦେଖି ତାଙ୍କର ସହପାଠୀ ଓ ସାଙ୍ଗ ମାନେ ସହାୟତାର ହାତ ବଢ଼ାଇଛନ୍ତି । ଏଥିସହ କେନ୍ଦ୍ରାପଡ଼ା କୋପରେଟିବ ବ୍ୟାଙ୍କ ତରଫରୁ ସଂଜୟଙ୍କୁ ୧୦ ହଜାର ଟଙ୍କା ସହାୟତା ରାଶି ଯୋଗାଇ ଦିଆଯାଇଛି। ଜ୍ଞାନ ଦେବି ଗୁଜୁରାଣ ସହାୟତା ଯୋଜନାରେ ତାଙ୍କୁ ପ୍ରତି ମାସ ରେ ଏକ ହଜାର ଟଙ୍କା ସହାୟତା ରାଶି ପ୍ରଦାନ କରାଯିବ ବୋଲି ପ୍ରତିଶୃତି ଦିଆଯାଇଛି । ସଞ୍ଜୟ ଙ୍କ ଏଭଳି ଅବସ୍ଥା ସମ୍ପର୍କରେ ଡେରାବିଶ ବିଡ଼ିଓଙ୍କୁ ଅବଗତ କରାଇବା ପରେ ସେ ପ୍ରଶାସନିକ ସ୍ତରରେ ସମ୍ପୂର୍ଣ ସହାୟତା ଯୋଗାଇ ଦେବେ ବୋଲି ପ୍ରତିଶୃତି ଦେଇଛନ୍ତି।
