ବର୍ଷାରେ ବେହାଲ ପରେ ଚେନ୍ନାଇରେ ଚାଲିଛି ମାଛଧରା
ଚେନ୍ନାଇ: ବର୍ଷାରେ ବେହାଲ ହେବା ପରେ ଚେନ୍ନାଇରେ ଚାଲିଛି ମାଛଧରା । ମେଟ୍ରୋରେ ଲଗାତାର ବର୍ଷା ହେବାରୁ ଜନଜୀବନ ବିପର୍ଯ୍ୟସ୍ତ ହୋଇଥିବାବେଳେ ସହର ଉପକଣ୍ଠରେ ରହିଥିବା କେତେକ ରିଜର୍ଭରରୁ ପାଣି ପ୍ରବାହିତ ହୋଇଛି । ସେପଟେ ରିଜର୍ଭରରୁ ପ୍ରଚୁର ମାଛ ପଦାକୁ ଆସୁଥିବା ବେଳେ ଧରିବା ଲାଗି ଲୋକଙ୍କ ମଧ୍ୟରେ ଉତ୍ସାହ ପ୍ରକାଶ ପାଇଛି । ଶହ ଶହ ଲୋକ ବିଭିନ୍ନ ଉପାୟରେ ମାଛ ଧରିବାର ଦୃଶ୍ୟ କଏଦ ହୋଇଛି ।
ସେପଟେ ରାମେଶ୍ବରମେ ବି ଜାରି ରହିଛି ବର୍ଷା । ପ୍ରବଳ ବର୍ଷା ଯୋଗୁ ଜୀବନଯାତ୍ରା ପ୍ରବାହିତ ହୋଇଛି । ସହରର ଗଳିକନ୍ଦିରେ ପାଣି ପଶିବା ଯୋଗୁ ଯାତାୟତ ବାଧାପ୍ରାପ୍ତ ହୋଇଛ । ବର୍ଷା ଯୋଗୁ ତାମିଲନାଡ଼ୁରେ ଆଜି ସମସ୍ତ ସ୍କୁଲ ବନ୍ଦ ରହିଛି ।
