ଘନ କୁହୁଡିରେ ଅଦୃଶ୍ୟ ହୋଇଗଲା କୋଣାର୍କ ମନ୍ଦିର

କୋଣାର୍କ : ଘନ କୁହୁଡି ବଳୟରେ ବିଶ୍ୱ ଐତିହ୍ୟ ସୂର୍ଯ୍ୟମନ୍ଦିର କୋଣାର୍କ । ଘନ କୁହୁଡିରେ ଅଦୃଶ୍ୟ ହୋଇଗଲା କୋଣାର୍କ ମନ୍ଦିର । ଆଜି କୋଣାର୍କରେ ପ୍ରଥମ କୁହୁଡି ଦେଖିବାକୁ ମିଳିଥିଲା । କୁହୁଡିରେ ସଂପୂର୍ଣ୍ଣ ଢାଙ୍କି ହୋଇପଡ଼ିଥିଲା କୋଣାର୍କ ସୂର୍ଯ୍ୟ ମନ୍ଦିର। ଆଜି ବଡ଼ ଦିନ ଥିବାରୁ କୋଣାର୍କରେ ଭୋରରୁ ଲୋକଙ୍କ ଭିଡ ହୋଇଥିଲା । ହେଲେ କୁହୁଡି ଯୋଗୁ କିଛି ଦୃଶ୍ୟମାନ ହୋଇନଥିଲା ।

ସୂର୍ଯ୍ୟମନ୍ଦିର ପରିସରରେରେ ସକାଳୁ ସକାଳୁ ମାତ୍ରାଧିକ ଘନ କୁହୁଡିର ଆସ୍ତରଣ ଯୋଗୁଁ ପର୍ଯ୍ୟଟକମାନେ ବୁୁୁଲି ଦେଖିବାରୁ ବଞ୍ଚିତ ହୋଇଥିଲେ । ରାସ୍ତାରେ ଯିବା ଆସିବା କରିବାରେ ମଧ୍ୟ ପର୍ଯ୍ୟଟକଙ୍କୁ ଅସୁବିଧା ହୋଇଥିଲା । ବିିଶେଷ ଭାବେ ସୂର୍ଯ୍ୟ ମନ୍ଦିରର ସୁୁକ୍ଷ୍ମ କରୁୁକାର୍ଯ୍ୟ ଦେଖିବାକୁ ଦେଶ ବିଦେଶରୁ ଆସିଥିବା ପର୍ଯ୍ୟଟକ କୁହୁଡି ପାଇଁ ଦେଖିପାରି ନଥିଲେ ।  କୋଣାର୍କ ସୂର୍ଯ୍ୟ ମନ୍ଦିରକୁ ସମ୍ପୂର୍ଣ ଭାବେ ଦୀର୍ଘସମୟ ଧରି ଏହି କୁହୁଡି ଚାଦର ଲୁଚାଇ ଦେଇଥିଲା । ଯାହାଫଳରେ ଖାଲି ଆଖିରେ କିଛି ଦୃଶ୍ୟମାନ ହେଉନଥିଲା  ।