ରାଜଧାନୀରେ ଘନ କୁହୁଡ଼ିର ଆସ୍ତରଣ

ଭୂବନେଶ୍ୱର: ରାଜଧାନୀରେ ଘନ କୁହୁଡ଼ିର ଆସ୍ତରଣ। ସକାଳୁ ସକାଳୁ କୁହୁଡ଼ି ଯୋଗୁଁ ଅଳ୍ପ ଦୂରତା ପର୍ଯ୍ୟନ୍ତ ବି ରାସ୍ତା ଦେଖାଯାଉନଥିଲା। ଫଳରେ ଯାନବାହାନ ଚଳାଚଳ ବାଧାପ୍ରାପ୍ତ ହୋଇଛି। ଭୁବନେଶ୍ୱର ସହ କଟକ ଓ ପୁରୀରେ ମଧ୍ୟ କୁହୁଡ଼ିର ଘନ ଆସ୍ତରଣ ଦେଖିବାକୁ ମିଳିଛି।

ଆସନ୍ତା ୨ ଦିନ ଯାଏଁ ରାତିର ତାପମାତ୍ରା ବଢିବ। ହେଲେ ସକାଳ ହେଲେ ଦେଖିବାକୁ ମିଳିବ ଘନ କୁହୁଡ଼ିର ଆସ୍ତରଣ। ଆସନ୍ତା ୪୮ ଘଣ୍ଟା ଯାଏଁ ଉପକୂଳ ଓଡ଼ିଶା ସମେତ ରାଜ୍ୟର ବିଭିନ୍ନ ସ୍ଥାନରେ କୁହୁଡ଼ି ଦେଖାଯିବ। ଏନେଇ ଆଞ୍ଚଳିକ ପାଣିପାଗ କେନ୍ଦ୍ର ପୂର୍ବାନୁମାନ କରିଛି।