ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ନୂଆ ସମୟରେ ଖୋଲିଲା ସ୍କୁଲ୍
ଭୁବନେଶ୍ୱର: ଆଜିଠୁ ନୂଆ ସମୟରେ ବାଜିଲା ସ୍କୁଲ୍ ଘଣ୍ଟି । ସକାଳ ୬ଟାରୁ ଶ୍ରେଣୀ ଗୃହରେ ବସି ପାଠ ପଢୁଛନ୍ତି ଛାତ୍ରଛାତ୍ରୀ। ରାଜ୍ୟରେ ଗ୍ରୀଷ୍ମପ୍ରବାହ ପାଇଁ ୫ଦିନର ଛୁଟି ପରେ ଆଜିଠୁ ପୁଣି ଖୋଲିଛି ସ୍କୁଲ । ଖରା ପାଇଁ ପୂର୍ବ ସମୟରେ ପରିବର୍ତ୍ତନ କରାଯାଇଛି । ୬ଟାରୁ ୯ ପର୍ଯ୍ୟନ୍ତ କ୍ଲାସ ହେଉଛି ।
ସୂଚନା ଅନୁସାରେ ତୃତୀୟ ଶ୍ରେଣୀରୁ ଦଶମ ଓ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀ ସକାଳ ୬ରୁ ସ୍କୁଲ ଆସିଛନ୍ତି। ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ସ୍କୁଲ ପରିସରରେ କରାଯାଇଛି ସମସ୍ତ ବ୍ୟବସ୍ଥା। ପର୍ଯ୍ୟାପ୍ତ ପାଣି ସହିତ ପିଲାମାନଙ୍କୁ ଖରାରେ ନବାହାରିବାକୁ ସଚେତନ କରାଯାଉଛି।
ତେବେ ପରୀକ୍ଷା ସୂଚୀରେ କୌଣସି ପରିବର୍ତ୍ତନ କରାଯାଇନି। ଅସହ୍ୟ ଗରମ ପାଇଁ ଏପ୍ରିଲ ୨୫ ତାରିଖରୁ ୫ ଦିନ ପାଇଁ ସରକାର ସ୍କୁଲ କଲେଜ ବନ୍ଦ ଘୋଷଣା କରିଥିଲେ। ସେପଟେ ଆଜି ସରୁଛି କଲେଜ, ବିଶ୍ବବିଦ୍ୟାଳୟ ଓ ବୈଷୟିକ ଶିକ୍ଷାନୁଷ୍ଠାନର ଛୁଟି ଅବଧି । ଖରାକୁ ଦୃଷ୍ଟିରେ ରଖି ଗତ ବୁଧବାରଠୁ କ୍ଲାସକୁ ବନ୍ଦ ରଖାଯାଇଥିଲା।
