ଦିଲ୍ଲୀ ସ୍ୱାସ୍ଥ୍ୟମନ୍ତ୍ରୀଙ୍କ ସ୍ୱାସ୍ଥ୍ୟାବସ୍ଥା ଗୁରୁତର: ପ୍ଳାଜମା ଥେରାପି ଲାଗି ଚାଲିଛି ପ୍ରସ୍ତୁତି

ନୂଆଦିଲ୍ଲୀ: ଦିଲ୍ଲୀ ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନଙ୍କ ସ୍ୱାସ୍ଥ୍ୟାବସ୍ଥା ବିଗିଡି ଯାଇଛି। ସତ୍ୟେନ୍ଦ୍ର ଜୈନ ନିଶ୍ୱାସ ନେବାରେ କଷ୍ଟ ଅନୁଭବ କରୁଛନ୍ତି । ତାଙ୍କୁ ଅକ୍ସଜେନ୍ ସପୋର୍ଟରେ ରଖାଯାଇଛି | ସଦ୍ୟ ସୂଚନା ଅନୁଯାୟୀ, ସତ୍ୟେନ୍ଦ୍ର ଜୈନଙ୍କୁ ପ୍ଳାଜମା ଥେରାପି ଦେବା ପାଇଁ ପ୍ରସ୍ତୁତି ଚାଲିଛି।

Praying for the speedy recovery of Shri Satyendra Jain, Health Minister of Delhi who is battling with COVID-19 infection.

— Amit Shah (Modi Ka Parivar) (@AmitShah) June 19, 2020

ଏଥିପାଇଁ ସେମାନଙ୍କୁ ସାକେତର ମ୍ୟାକ୍ସ ହସ୍ପିଟାଲକୁ ସ୍ଥାନାନ୍ତର କରାଯାଇଛି। ୨ ଦିନ ପୂର୍ବରୁ ଦିଲ୍ଲୀର ସ୍ୱାସ୍ଥ୍ୟମନ୍ତ୍ରୀ କରୋନା ସଂକ୍ରମିତ ହୋଇଥିବା ଜଣାପଡ଼ିଥିଲା । ତେବେ ସଦ୍ୟ ପ୍ରାପ୍ତ ସିଟି ସ୍କାନ୍‌ ରିପୋର୍ଟ ଅନୁଯାୟୀ ତାଙ୍କ ଫୁସଫୁସରେ ଏକ ପ୍ୟାଚ୍ ବୃଦ୍ଧି ପାଇଛି ଏବଂ ଏହା ସମସ୍ୟାକୁ ଆହୁରୀ ବଢ଼ାଇ ଦେଇଛି |

ପ୍ଳାଜମା୍‌ ଥେରାପି ପାଇଁ ତାଙ୍କୁ ମ୍ୟାକ୍ସକୁ ସ୍ଥାନାନ୍ତର କରାଯାଇଛି। କିନ୍ତୁ ଏନେଇ ରାଜୀବ ଗାନ୍ଧୀ ଡାକ୍ତରଖାନା ପକ୍ଷରୁ ଅନୁମତି ଦିଆଯାଇନଥିଲା କିନ୍ତୁ ପରେ ପରିବାରର ଲୋକଙ୍କ ଅନୁରୋଧ କ୍ରମେ ତାଙ୍କୁ ମ୍ୟାକ୍ସ ହସ୍ପିଟାଲକୁ ସ୍ଥାନାନ୍ତର କରାଯାଇଛି । ଦେଶର ଗୃହମନ୍ତ୍ରୀ ଅମିତ ଶାହା ମଧ୍ୟ ତାଙ୍କ ଆଶୁ ଆରୋଗ୍ୟ କାମନା କରିଛନ୍ତି ।