ପଲଟିଲା ସ୍ୱାସ୍ଥ୍ୟ ମନ୍ତ୍ରୀଙ୍କ ଗାଡ଼ି

ଉତ୍ତରାଖଣ୍ଡ : ଉତ୍ତରାଖଣ୍ଡ ସ୍ୱାସ୍ଥ୍ୟ ମନ୍ତ୍ରୀ ଧନ ସିଂ ରାୱତଙ୍କ ଗାଡ଼ି ପଲଟିଯିବା ସୂଚନା ମିଳିଛି । ସେ ଫୋଡ଼ିର ଥେଲିସେଣ୍ଡରୁ ଡେରାଡୁନକୁ ଫେରୁଥିବା ବେଳେ ଏଭଳି ଦୁର୍ଘଟଣା ଘଟିଥିବା କୁହାଯାଉଛି । ଗାଡ଼ିରେ ସ୍ୱାସ୍ଥ୍ୟ ମନ୍ତ୍ରୀଙ୍କ ବ୍ୟତୀତ ଅନ୍ୟ କେତେକ ସଦସ୍ୟ ଥିବା ମଧ୍ୟ ଜଣାପଡ଼ିଛି । ମାତ୍ର ବର୍ତ୍ତମାନ ସମସ୍ତେ ସୁସ୍ଥ ଥିବା ସୂଚନା ମିଳିଛି । କୈାଣସି କାର୍ଯ୍ୟରେ ଧନ ସିଂ ଥେଲିସେଣ୍ଡ ଗସ୍ତ କରିଥିବା ବେଳେ ରାତି ସମୟରେ ଡେରାଡୁନ ଫେରୁଥିଲେ । ଏହି ସମୟରେ ହଠାତ୍ ତାଙ୍କ କାର ଅନ୍ୟ ଏକ କାର ସହ ଧକ୍କା ହୋଇଥିବା କଥା ଜଣାପଡ଼ିଛି । ଦୁର୍ଘଟଣାର କାରଣ ଅସ୍ପଷ୍ଟ ରହିଛି ।

କହିରଖୁ କି, ଧନ ସିଂ ରାୱତ ଉତ୍ତରାଖଣ୍ଡରେ ନିଜ କାମ ପାଇଁ ବେଶ୍ ଚର୍ଚ୍ଚାରେ ଥିବାବେଳେ ୧୯୮୯ ମସିହାରେ ସେ ଆରଏସଏସ ଯବାନରେ ସ୍ୱୟଂସେବକ ଭାବେ କାର୍ଯ୍ୟରତ ଥିଲେ । ଏଥିସହ ସମାଜରେ ଥିବା ଅସ୍ପୃଶ୍ୟତା, ବାଲ୍ୟବିବାହ ଏବଂ ମଦ ବିରୋଧୀ ଅଭିଯାନ ଆରମ୍ଭ କରିଥିଲେ । କେବଳ ଏତିକି ନୁହେଁ ସେ ରାମ ଜନ୍ମଭୂମି ଆନ୍ଦୋଳନରେ ମଧ୍ୟ ସାମିଲ ହୋଇଥିଲେ । ଏହି ଆନ୍ଦୋଳନ ପାଇଁ ତାଙ୍କୁ ଜେଲ ଦଣ୍ଡ ମଧ୍ୟ ମିଳିଥିଲା ।