ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଶିଳାନ୍ୟାସ ପାଇଁ ଆଜିଠାରୁ ଯଜ୍ଞ

ପୁରୀ: ଆସନ୍ତା ୨୪ ତାରିଖରେ ହେବ ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଶିଳାନ୍ୟାସ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଯୋଗଦେବାର କାର୍ଯ୍ୟକ୍ରମ ରହିଛି । ଶିଳାନ୍ୟାସ ପୂର୍ବରୁ ବିଧି ପରମ୍ପରା ଅନୁସାରେ ଅନୁଷ୍ଠିତ ହେବାକୁ ଯାଉଛି ମହାଯଜ୍ଞ । ମହାଯଜ୍ଞରେ କର୍ତ୍ତା ସାଜିବେ ପୁରୀ ଗଜପତି ମହାରାଜା ଦିବ୍ୟ ସିଂହ ଦେବ । ଏ ନେଇ ଆଜି ଶ୍ରୀନହରରେ ଗୁଆ ଟେକା ନୀତି ଅନୁଷ୍ଠିତ ହୋଇଯାଇଛି । ଅପରାହ୍ନ ୧୨ଟାରେ ଯଜ୍ଞ ଅନୁଷ୍ଠାନ ଅଧିବାସ ବିଦ୍ଧି ସମ୍ପନ୍ନ କରାଯିବା ପରେ ଅଙ୍କୁରା ରୋପଣ ବିଧି ପାଳନ କରାଯିବ । ୨୪ ତାରିଖରେ ଏହି ଯଜ୍ଞର ପୂର୍ଣ୍ଣାହୁତି ପରେ ମୁଖ୍ୟମନ୍ତ୍ରୀ ଶିଳାନ୍ୟସ କରିବେ । ଏ ନେଇ ସମସ୍ତ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି ।