ଗଣଦୁଷ୍କର୍ମ ପରେ ଜିଭ କାଟିଲେ,ମେରୁଦଣ୍ଡ ଭାଙ୍ଗିଲେ..ବର୍ବରତାର ଏମିତି କାହାଣୀ ଯାହା କେବେ ଶୁଣିନଥିବେ

ନୂଆଦିଲ୍ଲୀ : ଦି’ ସପ୍ତାହ ତଳେ ଉତ୍ତରପ୍ରଦେଶର ହାଥରସ ଅଞ୍ଚଳର ଜଣେ ୧୯ ବର୍ଷୀୟ ଦଳିତ ଯୁବତୀଙ୍କୁ ଗଣ ଦୁଷ୍କର୍ମ କରାଯାଇଥିଲା । ଗ୍ରାମର ୩ ଜଣ ଯୁବକ ଏଭଳି କରିଥିଲେ । ଅଭିଯୋଗ ଅନୁଯାୟୀ ଗତ ୧୪ ତାରିଖରେ ଯୁବତୀଙ୍କ ସହ ଗଣଦୁଷ୍କର୍ମ ହୋଇଥିଲା । ଏହାପରେ ଦୁଷ୍କର୍ମକାରୀମାନେ ତାଙ୍କର ଜିଭ କାଟିବା ସହ ମେରୁଦଣ୍ଡକୁ ଭାଙ୍ଗି ଦେଇଥିଲେ ।

ଗୁରୁତର ଅବସ୍ଥାରେ ମହିଳାଜଣଙ୍କୁ ଦିଲ୍ଲୀର ସଫଦରଗଞ୍ଜ ଡ଼ାକ୍ତରଖାନାରେ ଭର୍ତ୍ତି କରାଯାଇଥିଲା । ଭର୍ତ୍ତି ହେବା ପରଠାରୁ ପ୍ରାୟ ୧୫ ଦିନ ଶାରିରୀକ କଷ୍ଟ ସହ ସଂଘର୍ଷ କରି ଯୁବତୀ ଜୀବନ ଛାଡ଼ିଛନ୍ତି । ଯେତିକି ସମୟ ଡ଼ାକ୍ତରଖାନାରେ ଥିଲେ ଦୋଷୀମାନଙ୍କ ସମ୍ପର୍କରେ ଠାରରେ ସୂଚନା ଦେବାକୁ ଚେଷ୍ଟା କରିଥିଲେ । ଘଟଣାର ୯ ଦିନ ପରେ ପିଡୀତାଙ୍କର ଚେତା ଆସିଥିଲା ।

ଚେତା ଆସିବା ପରେ ହିଁ ତାଙ୍କରଠାରୁ ପୋଲିସ ବୟାନ ରେକର୍ଡ କରିଥିଲା । ଏହାପରେ ୪ ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିଛି  । ପୀଡିତା ଜଣକ ଦଳିତ ସମାଜର ହୋଇଥିବା ବେଳେ ଦଳିତ ସମାଜ ନ୍ୟାୟ ଦାବିରେ ଆନ୍ଦୋଳନ ଆରମ୍ଭ କରିସାରିଛି । ଆଜି ତାଙ୍କ ଶବକୁ ତାଙ୍କ ଗାଁ ନିଆଯିବ । ଏଭଳି ସ୍ଥଳରେ ସେଠାରେ ପରିସ୍ଥିତି ସଙ୍ଗିନ ହେବାର ଆଶଙ୍କା ମଧ୍ୟ ସୃଷ୍ଟି ହୋଇଛି । ପୀଡିତା ଜଣକ ବାଲ୍ମୀକି ସମାଜରୁ ହୋଇଥିବା ହେତୁ ବାଲ୍ମୀକି ସମାଜର ଲୋକେ ଆନ୍ଦୋଳନ କରିବାର ସମ୍ଭାବନା ରହିଛି ।

Leave a Reply