ହାଥରସ୍ ମାମଲା: ମୋର ବି ୧୮ ବର୍ଷର ଝିଅ ଅଛି, ମାଆ ଭାବେ ରାଗ ଆସୁଛି କହିଲେ ପ୍ରିୟଙ୍କା ଗାନ୍ଧି

ନୂଆଦିଲ୍ଲୀ: ଉତ୍ତରପ୍ରଦେଶ ହାଥରସର ଛାତିଥରା ଘଟଣା ସାରା ଦେଶକୁ ସ୍ତବ୍ଧ କରିଦେଇଛି । ୨୦୧୨ ଦିଲ୍ଲୀ ନିର୍ଭୟା କାଣ୍ଡ ପରେ ହାଥରସ୍ ଗଣଦୁଷ୍କର୍ମକୁ ନେଇ ସାରା ଦେଶରେ ଉଠିଛି ପ୍ରତିବାଦର ସ୍ୱର । ପଲ୍ଲୀରୁ ଦିଲ୍ଲୀ ସବୁ ଏକାକାର, ସବୁଠି ପ୍ରତିବାଦ । ଗଣଦୁଷ୍କର୍ମ ପ୍ରତି ସରକାରଙ୍କ ନରମ ମନୋଭାବକୁ ସମସ୍ତେ ସମାଲୋଚନା କରୁଛନ୍ତି । କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧି ଘଟଣାକୁ ଅନ୍ୟାୟ କହିବା ସହ ସରକାର ଯାହା କରୁଛନ୍ତି ତାହା ତା’ଠୁ ବି ବଡ଼ ଅନ୍ୟାୟ ଅଟେ । ଦିଲ୍ଲୀରୁ ହାଥରସ୍ ଯିବା ବେଳେ ଗ୍ରେଟର ନୋଏଡାରେ ତାଙ୍କୁ ଅଟକାଯାଇଥିବା ବେଳେ ଏକଥା କହିଛନ୍ତି ପ୍ରିୟଙ୍କା । ସେ କହିଛନ୍ତି- ମୋର ବି ଝିଅ ଅଛି । ଜଣେ ମାଆ ହିସାବରେ ଘଟଣାକୁ ନେଇ ତାଙ୍କୁ ବହୁତ ରାଗ ଆସୁଛି ।

ତେବେ ଏତେ ରାଗ କାହିଁକି ପ୍ରଶ୍ନରେ ପ୍ରିୟଙ୍କା କହିଛନ୍ତି- ମୋର ୧୮ ବର୍ଷର ଝିଅ ଅଛି । ମୁଁ ନାରୀ ଅଟେ, ରାଗ ଆସୁଛି… ଆପଣ ତ ହିନ୍ଦୁ ଧର୍ମର ରକ୍ଷାକାରୀ ବୋଲି ପ୍ରଚାର କରନ୍ତି । ଆମ ଧର୍ମରେ କେଉଁଛି ଲେଖା ଅଛି ଜଣେ ପିତା ନିଜ ଝିଅର ଜୁଇ ଜାଳି ପାରିବ ନାହିଁ ।

ସରକାର ବହୁତ ବଡ଼ ଅନ୍ୟାୟ କରିଛନ୍ତି: ପ୍ରିୟଙ୍କା

ହାଥରସ୍ ଘଟଣା ପରେ ପୋଲିସ ପ୍ରଶାସନ ରାତାରାତି ପୀଡ଼ିତାଙ୍କ ମୃତଦେହ ପରିବାର ଅନୁପସ୍ଥିତିରେ ଜାଳି ଦେଇଥିଲା । କଂଗ୍ରେସ ନେତା ଏହାକୁ ନେଇ ଯୋଗୀ ଆଦିତ୍ୟନାଥ ସରକାର ଓ ପୋଲିସ-ପ୍ରଶାସନର ଆଚରଣକୁ ନିନ୍ଦା କରିଛନ୍ତି । ପ୍ରିୟଙ୍କା କହିଛନ୍ତି- ଯେଉଁ ଘଟଣା ଘଟିଛି ତାହା ଅନ୍ୟାୟ । ଆଉ ସରକାର ଯାହା କରିଛନ୍ତା ତାହା ତା’ଠାରୁ ବଡ଼ ଅନ୍ୟାୟ ।

हाथरस जाने से हमें रोका। राहुल जी के साथ हम सब पैदल निकले तो बारबार हमें रोका गया, बर्बर ढंग से लाठियाँ चलाईं। कई कार्यकर्ता घायल हैं। मगर हमारा इरादा पक्का है। एक अहंकारी सरकार की लाठियाँ हमें रोक नहीं सकतीं। काश यही लाठियाँ, यही पुलिस हाथरस की दलित बेटी की रक्षा में खड़ी होती। pic.twitter.com/lRq9kLSHJz

— Priyanka Gandhi Vadra (@priyankagandhi) October 1, 2020

ପୋଲିସ ଗାଡ଼ି ଛାଡ଼ିଲାନି ଚାଲି ଚାଲି ଗଲେ

ପ୍ରିୟଙ୍କା ଗାନ୍ଧି ଓ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧି ଉଭୟ ଦିଲ୍ଲୀରୁ ହାଥରସ୍ ବାହାରିଥିଲେ । ପୀଡ଼ିତାଙ୍କ ପରିବାରକୁ ଭେଟିଥାଆନ୍ତି । କିନ୍ତୁ, ପୋଲିସ ଉଭୟଙ୍କୁ ଗ୍ରେଟର ନୋଏଡ଼ାର ପରୀ ଛକରେ ଅଟକାଇଥିଲା । ସେଠାରେ ପୋଲିସ-ପ୍ରଶାସନ ସହ ମୁହାଁମୁହିଁ ହୋଇଥିଲେ । ପ୍ରିୟଙ୍କା ଓ ରାହୁଲ କାରରୁ ଓହ୍ଲାଇ ପାଦରେ ଚାଲି ଚାଲି ହାତରସ୍ ଆଡ଼କୁ ବଢ଼ିଥିଲେ । ସେହି ସମୟରେ ପୋଲିସ ସହ କଂଗ୍ରେସ କର୍ମୀ ମୁହାଁମୁହିଁ ହୋଇଥିବା ବେଳେ ଏକାଧିକ କାର୍ଯ୍ୟକର୍ତ୍ତା ଆହତ ହୋଇଥିବା ପ୍ରିୟଙ୍କା ଟ୍ୱିଟ୍ କରିଛନ୍ତି ।