ରାଜ୍ୟସ୍ତରୀୟ ମତ୍ସ୍ୟ, ପ୍ରାଣୀ ସମାବେଶର ମୁଖ୍ୟ ଆକର୍ଷଣ ହରିଆଣାର ପୋଢ଼ ‘ଯୁବରାଜ’

ଭୁବନେଶ୍ବର: ଭୁବନେଶ୍ୱର ଜନତା ମଇଦାନରେ ଆରମ୍ଭ ହେଲା ପ୍ରଥମ ରାଜ୍ୟସ୍ତରୀୟ ମତ୍ସ୍ୟ, ପ୍ରାଣୀ ସମାବେଶ । ସମାବେଶର ମୁଖ୍ୟ ଆକର୍ଷଣ ହରିଆଣାର ପୋଢ଼ ‘ଯୁବରାଜ’ । ହରିଆଣାର କୁରୁକ୍ଷେତ୍ର ଜିଲ୍ଲା ସୁନାରେଓ ଗାଁର କର୍ମବୀର ସିଂଙ୍କ ଏହି ପୋଢ଼ ହେଉଛି ମୁରା ପ୍ରଜାତିର । ଯହାର ଲମ୍ବା ୯ ଫୁଟ୍ ହୋଇଥିବା ବେଳେ ଉଚ୍ଚତା ୫ ଫୁଟ୍ ୯ ଇଞ୍ଚ ରହିଛି । ୧୫ ଶହ କିଲୋଗ୍ରାମ ଓଜନ ରହିଥିବା ବେଳେ ପ୍ରତିଦିନ ୨୦ ଲିଟର କ୍ଷୀର ପିଇବା ସ‌ହିତ ୧୨ କେଜି ପରିବା ଖାଉଛି । ଦିନକୁ ‘ଯୁବରାଜ’ ପଛରେ ୬ରୁ ୮ ହଜାର ଟଙ୍କା ଖର୍ଚ୍ଚ ହେଉଛି । ପୋଢ଼ର ବ୍ୟକ୍ତିଗତ ଡାକ୍ତର ରହିଛି । ଏହାର ଗୋଟିଏ ଥରର ଶୁକ୍ରଣୁରୁ ୫ଶହ ଡୋଜ୍ ଶୁକ୍ରାଣୁ ପ୍ରସ୍ତୁତ ହେଉଛି । ପ୍ରତି ଡୋଜ୍ ୩ ଶହ ଟଙ୍କାରେ ବିକ୍ରି ହେଉଛି । ବର୍ତ୍ତମାନ ସୁଦ୍ଧା ଯୁବରାଜର ଶୁକ୍ରାଣୁରୁ ପାଖାପାଖି ଦେଢ ଲକ୍ଷ ପିଲା ଜନ୍ମ ହୋଇ ସାରିଲେଣି । ସମସ୍ତେ ତା’ ଭଳି ସୁସ୍ଥ ହେବା ସହିତ ଗାଈଗୁଡିକ ୨୦ରୁ ୩୦ ଲିଟର କ୍ଷୀର ଦେଉଛନ୍ତି ।

ଯୁବରାଜ ଗୋଟିଏ ଦିନରେ ଦୁଇରୁ ତିନିଥର ଗାଧୋଇ ଥିବା ବେଳେ ତା ଦେହରେ ସୋରିଷ ତେଲ ମାଲିସ୍ କରାଯାଏ । ବର୍ଷକୁ ଯୁବରାଜ ଯୋଗୁଁ ମାଲିକ କର୍ମବୀର ୫୦ ଲକ୍ଷରୁ କୋଟିଏ ଟଙ୍କା ରୋଜଗାର କରିଥାନ୍ତି । ଯୁବରାଜ ବିଭିନ୍ନ ସ୍ଥାନରୁ ବିଶ୍ଵର ସର୍ବଶ୍ରେଷ୍ଠ ପୋଢ଼ ମାନ୍ୟତା ହାସଲ କରିଛି । ତାଙ୍କୁ କିଣିବା ପାଇଁ ୯ କୋଟି ଦର ହୋଇଥିଲେ ମଧ୍ୟ କର୍ମବୀର ନିଜ ସନ୍ତାନ ବୋଲି ବିବେଚନା କରୁଥିବାରୁ ତାକୁ ବିକୁ ନଥିବା କହିଛନ୍ତି ।