ଇଡିର କ୍ଷମତାକୁ ନେଇ ସୁପ୍ରିମକୋର୍ଟରେ ପ୍ରଶ୍ନ, ଅଂକୁଶ ନ ଲାଗିଲେ ଦେଶରେ କେହି ରହିବେନି ସୁରକ୍ଷିତ

ନୂଆଦିଲ୍ଲୀ: ଇଡିର କ୍ଷମତାକୁ ନେଇ ସୁପ୍ରିମକୋର୍ଟରେ ଉଠିଲା ପ୍ରଶ୍ନ । ବେଆଇନ ଅର୍ଥ କାରବାର ମାମଲାର ତଦନ୍ତରେ ଇଡି ମାତ୍ରାଧିକ କ୍ଷମତା ଉପଭୋଗ କରୁଛି । ଏଥିରେ ଅଂକୁଶ ନ ଲାଗିଲେ ଦେଶରେ କେହି ସୁରକ୍ଷିତ ରହିବେନି। ଗୁରୁଗ୍ରାମ ଏମଥ୍ରୀଏମ୍ କମ୍ପାନୀ ପକ୍ଷରୁ ଆବେଦନର ଶୁଣାଣି ବେଳେ ବରିଷ୍ଠ ଆଇନଜୀବୀ ହରିଶ ସାଲଭେ ଏହା କହିଛନ୍ତି । ସର୍ବୋଚ୍ଚ କୋର୍ଟରେ କମ୍ପାନୀର ନିର୍ଦ୍ଦେଶକ ବସନ୍ତ ବନଶଲ ଓ ପଙ୍କଜ ବଂଶଲଙ୍କ ପକ୍ଷ ରଖିଛନ୍ତି ହରିଶ ସାଲଭେ ଓ ମୁକୁଲ ରୋହତଗି । ସେମାନଙ୍କ ଗିରଫଦାରୀକୁ ନେଇ ସେ ପ୍ରଶ୍ନ ଉଠାଇଛନ୍ତି । ସହଯୋଗ ପରେ ବି ଅଧିକାରର ଉଲ୍ଲଂଘନ ହେଉଥିବା ସାଲଭେ କହିଛନ୍ତି । ତେଣୁ ଇଡିର କ୍ଷମତାରେ ଅଂକୁଶ ଲଗାଇବାକୁ ସର୍ବୋଚ୍ଚ କୋର୍ଟଙ୍କ ନିକଟରେ ଦାବି ଉପସ୍ଥାପନ କରିଛନ୍ତି ସାଲଭେ। ମନି ଲଣ୍ଡରିଂ ତଦନ୍ତ ବେଳେ ପୂର୍ବତନ ବିଚାରପତିଙ୍କୁ ଲାଞ୍ଚ ଦେବା ମାମଲାରେ ବସନ୍ତ ବଂଶଲ ଓ ପଙ୍କଜ ବଂଶଲଙ୍କୁ ଗିରଫ କରାଯାଇଛି ।