ହାର୍ଦ୍ଦିକ ପାଣ୍ଡ୍ୟାଙ୍କୁ ନେଇ ଏମିତି କହିଲେ ଅଜୟ ଜାଡେଜା

ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ଦକ୍ଷ ଅଲରାଉଣ୍ଡ ହାର୍ଦ୍ଦିକ ପାଣ୍ଡ୍ୟା । ଟିମ ଇଣ୍ଡିଆକୁ ବହୁ ମ୍ୟାଚ ବିଜୟୀ କରିଥିବା ପାଣ୍ଡ୍ୟା ଆହତ କାରଣରୁ ବିଶ୍ବକପ ଅଧାରୁ ଟିମରୁ ବାଦ ପଡ଼ିଥିଲେ । ତେବେ ଏହି ଭେଟେରାନ ଅଲରାଉଣ୍ଡରଙ୍କୁ ନେଇ ପୂର୍ବତନ ଭାରତୀୟ କ୍ରିକେଟର ଅଜୟ ଜାଡେଜା ନିଜର ପ୍ରତିକ୍ରିୟା ରଖିଛନ୍ତି । ଏକ ଜାତୀୟ ଗଣମାଧ୍ୟମକୁ ନିଜର ପ୍ରତିକ୍ରିୟା ଦେଇ କହିଛନ୍ତି । ପାଣ୍ଡ୍ୟା ହେଉଛନ୍ତି ଜଣେ ଦକ୍ଷ ଅଲରାଉଣ୍ଡର । ଟିମକୁ ବିଜୟ କରିବାରେ ତାଙ୍କୁ ବହୁ ଅଭିଜ୍ଞତା ରହିଛି । କିନ୍ତୁ ସବୁବେଳେ ଆଇସିସିର ବଡ଼ ଇଭେଣ୍ଟରେ ଆହତ ତାଙ୍କ ପାଇଁ କାରଣ ସାହୁଛି । ୨୦୨୪ ଟି-୨୦ ବିଶ୍ବକପରେ ପ୍ରଂଶସକମାନେ କିଛି ବଡ଼ ଆଶା ରଖିଥିବାବେଳେ ସେ ଦଳକୁ ଫେରି କିଭଳି ପ୍ରଦର୍ଶନ କରୁଛନ୍ତି ତାହା ଦେଖିବାକୁ ବାକି ରହିଛି ।

କହି ରଖୁଛୁ କି, ଚଳିତ ବିଶ୍ବକପରେ ଆହତ ହୋଇଥିଲେ ପାଣ୍ଡ୍ୟା । ଟୁର୍ଣ୍ଣାମେଣ୍ଟ ଅଧାରୁ ଆହତ କାରଣରୁ ବାଦ ପଡ଼ିଥିଲେ । ଏଣୁ ପରେ ଅଷ୍ଟ୍ରେଲିଆ ବିପକ୍ଷ ଟି-୨୦ ସିରିଜରେ ମଧ୍ୟ ଖେଳିନାହାନ୍ତି । ଏପରିକି ଦକ୍ଷିଣ ଆଫ୍ରିକା ଗସ୍ତରେ ମଧ୍ୟ ଠିକ ହୋଇନଥିବାରୁ ସମ୍ପୂର୍ଣ୍ଣ ସିରିଜରେ ନାହାନ୍ତି । ୨୦୨୩ରେ ଭାରତ ପାଇଁ ଟି-୨୦ରେ ଅଧିନାୟକ ଭାର ସମ୍ଭାଳିଥିବାବେଳେ ୨୦୨୪ ଟି-୨୦ ବିଶ୍ବକପରେ ସେ ଅଧିନାୟକଭାବେ ଦଳର ଭାର ସମ୍ଭାଳିଥାନ୍ତେ ବୋଲି ଚର୍ଚ୍ଚା ହେଉଥିଲା । ମାତ୍ର ଆହତ ଜନିତ ସମସ୍ୟା ତାଙ୍କ ପିଛା ଛାଡୁନାହିଁ । ୨୦୨୩ ଆଇପିଏଲ ସମୟରେ ମଧ୍ୟ ଆହତ କାରଣରୁ ବୋଲିଂ କରିନଥିଲେ ।