‘ହର ହର ଶମ୍ଭୁ’ ଗାଇ ଚର୍ଚ୍ଚାରେ ଥିବା ଅଭିଲିପ୍ସାଙ୍କ ଆଉ ଏକ ଗୀତ ରିଲିଜ୍ ହେବ

ନନ୍ଦିଘୋଷ ବ୍ୟୁରୋ: ହର ହର ଶମ୍ଭୁ ଗୀତ ଗାଇ ଚର୍ଚ୍ଚାରେ ରହିଥିବା ଅଭିଲିପ୍ସା ପଣ୍ଡା ଲୋକମାନଙ୍କୁ ଆଉ ଏକ ଗୀତ ଭେଟି ଦେବାକୁ ଯାଉଛନ୍ତି । ତାଙ୍କର ଭୋଲେନାଥ ଇଜ୍ ଲାଇଫ ଗୀତ ଖୁବଶୀଘ୍ର ରିଲିଜ ହେବାକୁ ଯାଉଛି । ପୁଣିଥରେ ଇଣ୍ଟରନେଟରେ ପ୍ରଶଂସାର ପାତ୍ର ପାଲଟିବେ ଅଭିଲିପ୍ସା । ଅଭିଲିପ୍ସାଙ୍କ ନିଜ ସହଯୋଗୀ ଜିତୁ ଶର୍ମାଙ୍କ ସହ ହର ହର ଶମ୍ଭୁ ଗୀତ ଗାଇ ଚର୍ଚ୍ଚାରେ ରହିଥିଲେ । ଦେଶ ବିଦେଶରେ ପ୍ରଶଂସା କରାଯାଇଥିଲା । ତାଙ୍କ ଗୀତର ଦିୱାନା ସମସ୍ତେ ରହିଥିଲେ ।

କେଉଁଝରରେ ଜନ୍ମିତ ଓଡିଆ ଝିଅ ଅଭିଲିପ୍ସା ଏବେ ସାରା ଦେଶରେ ନିଜ ଗୀତ ପାଇଁ ଚର୍ଚ୍ଚାରେ ରହିଛନ୍ତି । ତାଙ୍କ ଗୀତକୁ ଅନେକ ଭଲ ପାଉଥିବା ଦେଖାଯାଇଛି । ତାଙ୍କର ଆଉ ଏକ ଗୀତ ରିଲିଜ୍ ହେବା ଖବର ଶୁଣି ଫ୍ୟାନ ମାନଙ୍କ ମଧ୍ୟରେ ଉତ୍ସାହ ବଢିଯାଇଛି । ତେବେ ତାଙ୍କର ନୂଆ ଗୀତ ଶ୍ରାବଣ ମାସ ଭିତରେ ରିଲିଜ ହେବ ବୋଲି କୁହାଯାଉଛି । ତେବେ ଅଭିଲିପ୍ସା କରାଟେରେ ବ୍ଲାକ ବେଲ୍ଟ ଅଛନ୍ତି ଏବଂ ଜାତୀୟ ସ୍ତରରେ ସୁନା ପଦକ ମଧ୍ୟ ଜତିଛନ୍ତି । ୮ଟି ଭାଷାରେ ସେ ଗୀତ ଗାଇବାର ଦକ୍ଷତା ରଖିଛନ୍ତି ।