ଧୂମଧାମରେ ନୂଆବର୍ଷକୁ ସ୍ବାଗତ କଲେ ଓଡ଼ିଶାବାସୀ
ଭୁବନେଶ୍ବର: ବାଜିଲା ରାତି ୧୨ । ଆଉ ସାରା ଓଡ଼ିଶାରେ ଉତ୍ସାହର ସହ ସ୍ବାଗତ କଲେ ରାଜ୍ୟବାସୀ । କେଉଁଠି ବାଣ ଫୁଟାଇ ତ କେଉଁଠି ନାଚଗୀତର ଧୂମରେ ନାଚି ଉଠିଲା ସାରା ଓଡ଼ିଶା । ପିଲାଠୁ ବୟସ୍କ ସମସ୍ତେ ନିଜ ନିଜ ଅନୁସାରେ ନୂଆବର୍ଷକୁ ସ୍ବାଗତ କରିଛନ୍ତି ।
ସହରଠୁ ଗାଁ ନୂଆବର୍ଷକୁ ନେଇ ବହୁତ କିଛି ଆୟୋଜନ ଦେଖିବାକୁ ମିଳିଥିଲା । ସହରର ବଡ଼ ବଡ଼ ହୋଟେଲ ସାଙ୍ଗକୁ ବିଭିନ୍ନ ଅନୁଷ୍ଠାନରେ ନୂଆବର୍ଷ ପାଇଁ ସ୍ପେଶାଲ ପ୍ରୋଗ୍ରାମ ଆୟୋଜନ କରାଯାଇଥିଲା । ସେଲିବ୍ରିଟିଙ୍କ ନାଚର ତାଳେ ତାଳେ ଝୁମି ଝୁମି ନୂଆବର୍ଷକୁ ସ୍ବାଗତ କରିଥିଲେ ରାଜ୍ୟବାସୀ ।
ଗାଁ ବି ପଛରେ ପଡି ନଥିଲା । ବିଭିନ୍ନ ଅନୁଷ୍ଠାନ ଓ କ୍ଲବମାନଙ୍କରେ ଦେଖିବାକୁ ମିଳିଥିଲା ନୂଆବର୍ଷର ମସ୍ତି । ନାଚଗୀତ, ବଣଭୋଜିର ଜମିଥିଲା ଆସର । ଆଉ ରାତି ୧୨ଟାରେ ବିଭିନ୍ନ ସ୍ଥାରେ ବାଣ ଫୁଟାଇ ନୂଆବର୍ଷକୁ ସ୍ବାଗତ କରୁଥିବା ଦେଖିବାକୁ ମିଳିଥିଲା ।
