କେରଳ ରାଲିଲେ ହମାସ ନେତା ଖାଲିଦ, ବୁଲଡୋଜରରେ ହିନ୍ଦୁତ୍ବକୁ ଓପାଡିବା ପାଇଁ ନାରା

କୋଚି: କେରଳର ମଲପ୍ପୁରମରେ ପାଲେଷ୍ଟାଇନ ସମର୍ଥନରେ ରାଲି ବାହାରିଛି  ।  ରାଲିରେ ହମାସ ନେତା ଖାଲିଦ ମଶାଲକୁ ଭର୍ଚୁଆଲରେ ରଖିବା ପରେ ବିବାଦ ଆରମ୍ଭ ହୋଇଛି  । ଏହି ଘଟଣା ପରେ କାର୍ଯ୍ୟାନୁଷ୍ଠାନ ଦାବି କରିଛି ବିଜେପି  । ହମାସ ନେତା ଖାଲିଦ ମସେଲ ମଲ୍ଲପୁରମରେ ଆୟୋଜିତ ଯୁବ ପ୍ରତିରୋଧ ରାଲିରେ ଭର୍ଚୁଆଲରେ ଯୋଡି ହୋଇଥିଲେ  । ସେହିପରି ରାଲିରେ ବୁଲଡୋଜରରେ ହିନ୍ଦୁତ୍ବ ଓ ବହୁରୂପୀ ଇହୁଦୀବାଦକୁ ଓପାଡି ଫୋପାଡିବା ପାଇଁ ନାରା ଦିଆଯାଇଥିଲା  ।

ଏହା ପୂର୍ବରୁ ବି କେରଳରେ କଂଗ୍ରେସ ନେତୃତ୍ବାଧୀନ ୟୁନାଇଟେଡ ଡେମୋକ୍ରାଟିକ ଫ୍ରଣ୍ଟର ମୁଖ୍ୟ ସହଯୋଗୀ IUML ଗାଜାରେ ମହିଳା ଓ ଶିଶୁଙ୍କ ସମେତ ନାଗରିକଙ୍କ ହତ୍ୟାକୁ ନିନ୍ଦା କରି ଉତ୍ତର କୋଝିକୋଡରେ ଏକ ବିଶାଳ କାଲିର ଆୟୋଜନ କରିଥିଲା  । ହଜାର ହଜାର ସଂଖ୍ୟାରେ IUML ସମର୍ଥକ ପାଲେଷ୍ଟାଇନ ଏକଜୁଟ ମାନବାଧିକାର ରାଲିରେ ଭାଗ ନେଇଥିଲେ  ।

ଏହି ରାଲିରେ କଂଗ୍ରେସ ନେତା ଶଶୀ ଥରୁର ଇସ୍ରାଏଲରେ ହମାସ ଆତଙ୍କବାଦୀଙ୍କ ଆକ୍ରମଣକୁ ଘୃଣ୍ୟ କହିଥିଲେ  । ଯାହା ପରେ ଥରୁରଙ୍କୁ ସମାଲୋଚନା କରିଥିଲା ସଙ୍ଗଠନ  । କେରଳରେ ମୁସଲିମ ସଙ୍ଗଠନଙ୍କ ପାଇଁ କାମ କରୁଥିବା ଏମଇଏମ ଅକ୍ଟୋବର ୩୦ରେ ହେବାକୁ ଥିବା ରାଲିରେ ଶଶୀ ଥରୁରଙ୍କୁ ହଟାଇବାକୁ ନିଷ୍ପତ୍ତି ନେଇଛି  ।