ହାଡ଼ିଆ ହତ୍ୟା ମାମଲା, ୩ ବର୍ଷ ପରେ ଗିରଫ ହେଲା ମୁଖ୍ୟ ଅଭିଯୁକ୍ତ
କଟକ: କଟକର ବହୁଚର୍ଚ୍ଚିତ ହାଡ଼ିଆ ହତ୍ୟା ମାମଲାର ୩ ବର୍ଷ ପରେ ଗିରଫ ହେଲା ମୁଖ୍ୟ ଅଭିଯୁକ୍ତ । ୨୦୨୦ ସେପ୍ଟେମ୍ବର ମାସରେ କଟକ ସତୀଚଉରା ନିକଟରେ ହୋଇଥିଲା ହତ୍ୟାକାଣ୍ଡ । ଜଘନ୍ୟ ଭାବେ ରିଂ ରୋଡ୍ ତଳେ ହତ୍ୟା କରିଥିଲେ ୨ ଭାଇ । ପୂର୍ବରୁ ବଡ଼ଭାଇ ଗିରଫ ହୋଇଥିବା ବେଳେ ଗିରଫ ଭୟରେ ବାବା ବେଶରେ ଲୁଚିଥିଲା ସାନଭାଇ ଦୀପକ ମଲ୍ଲିକ ।
କଟକ ବିଡ଼ାନାସୀର କୃଷ୍ଣ ମଲ୍ଲିକଙ୍କ ପୁଅ ଦୀପକ ହାଡ଼ିଆ ହତ୍ୟାକାଣ୍ଡ ପରେ କଟକରୁ ଯାଇ ଢେଙ୍କାନାଳ ରାସୋଳ ଥାନା କାଠକୁମ୍ପା ନିକଟରେ ମହିମାଧର୍ମୀ ବାବାବେଶରେ କୁଡ଼ିଆ କରି ରହୁଥିଲା। ଆଖପାଖ ଅଞ୍ଚଳରେ ଦେଉଥିଲା ପ୍ରବଚନ । ବାଣ୍ଟୁଥିଲା ଚେରମୂଳି ଔଷଧ । ଗାଁକୁ ଗାଁ ବୁଲି ଭିକ୍ଷା କରି ଚଳୁଥିଲା । ଶେଷରେ କଟକ ପୋଲିସ ତାକୁ ଗିରଫ କରିଛି ।
