ଗୁରୁଗାଓଁରେ ଖସିଲା ଆପାର୍ଟମେଣ୍ଟର ଛାତ, ଜଣେ ମୃତ

ନୂଆଦିଲ୍ଲୀ: ଗୁରୁବାର ହରିଆଣାର ଗୁରୁଗାଓଁରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା । ଏଠାରେ ଥିବା ୨୨ ମହଲା ବିଲ୍ଡିଂର ୬ ମହଲାର ଏକ ନିର୍ମାଣାଧିନ ଛାତ ଖସି ପଡିଛି । ଯାହା ଫଳରେ ଜଣେ ବ୍ୟକ୍ତି ମୃତ୍ୟୁବରଣ କରିବା ସହ ୧୦ରୁ ଅଧିକ ଲୋକ ଆହାତ ହୋଇଛନ୍ତି । ନିର୍ମାଣଧୀନ ଛାତ ଖସିବା ପରେ ଅଗ୍ନିଶମ ବାହିନୀ ଓ ପୋଲିସ କର୍ମୀ ଉଦ୍ଧାରକାର୍ଯ୍ୟରେ ନିୟାଜିତ ହୋଇଛନ୍ତି ।

A portion of the roof of the sixth floor of D tower of Chintels Paradiso housing complex in Gurugram's Sector 109 has collapsed. Administrative officers and NDRF & SDRF teams are on the spot. Rescue operation is underway: Haryana Govt pic.twitter.com/JOn3AeHjEr

— ANI (@ANI) February 10, 2022

ସୂଚନା ଅନୁସାରେ, ଗୁରୁଗାଓଁ ସହରର ସେକ୍ଟର ୧୦୯ରେ ଥିବା ସାଇବର୍ ସିଟି ବ୍ଲକ୍ ଡି’ରେ ଏକ ଘର କାମ ଚାଲୁଥିଲା । ଏହି ସମୟରେ ହଠାତ ୬ ମହଲା କୋଠାର ଛାତ ଖସି ପଡିଥିଲା । ଯାହାଫଳରେ ୬ ମହଲାରୁ ତଳ ମହଲା ପର୍ଯ୍ୟନ୍ତ ସବୁ ଘର କ୍ଷତି ଗ୍ରସ୍ତ ହୋଇଛି । ଫଳରେ ୬ ମହଲାରୁ ତଳ ମହଲା ପର୍ଯ୍ୟନ୍ତ ଘରେ ଥିବା କିଛି ଲୋକେ ଆହତ ହୋଇଥିବା ଜଣାପଡ଼ିଛି । ସେହିପରି ଆଉ କିଛି ଲୋକ ଭଗ୍ନାବଶେଷ ତଳେ ରହି ଯାଇଥିବା ଅନୁମାନ କରାଯାଉଛି ।

Administrative officials, along with SDRF and NDRF teams are busy in the rescue & relief work after the unfortunate collapse of the apartment roof at the Paradiso Housing Complex in Gurugram. I am personally monitoring the situation and I pray for everyone's safety. pic.twitter.com/T6NdEtpIgm

— Manohar Lal (मोदी का परिवार) (@mlkhattar) February 10, 2022

ଏହି ଅଭାବନୀୟ ଦୁର୍ଘଟଣାରେ ଦୁଃଖ ପ୍ରକାଶ କରିଛନ୍ତି ହରିଆଣା ମୁଖ୍ୟମନ୍ତ୍ରୀ ମନୋହରଲାଲ ଖଟ୍ଟର । ଟ୍ୱିଟ କରି ଦୁଃଖ ପ୍ରକାଶ କରିଛନ୍ତି ମନୋହରଲାଲ ଖଟ୍ଟର । ଏଥିସହ ଏହି ଘଟଣାରେ ସେ ତଦନ୍ତ ପାଇଁ ନିର୍ଦ୍ଦେଶ ମଧ୍ୟ ଦେଇଛନ୍ତି । ନିଜେ ସେ ବ୍ୟକ୍ତିଗତ ଭାବରେ ଘଟଣା ଉପରେ ନଜର ରଖିଛନ୍ତି ବୋଲି କହିଛନ୍ତି ମନୋହରଲାଲ ଖଟ୍ଟର ।