ପୋଲିସ ଚାକିରି ଛାଡ଼ି ଛତୁ ଚାଷ

ଗୁଣୁପୁର: ଚାଷ ପାଇଁ ଅହେତୁକ ଦୁର୍ବଳତା ଜଣେ ପୋଲିସ୍ କର୍ମଚାରୀଙ୍କୁ ନିଜ ଭିଟାମାଟିକୁ ଟାଣିଆଣିଲା । ପୋଲିସ୍ ଚାକିରି ଛାଡି ନିଜ ଗାଁରେ ଛତୁ ଚାଷ କରି ବେଶ୍ ଦୁଇପଇସା ରୋଜଗାର କରି ଆତ୍ମସନ୍ତୋଷ ଲାଭ କରୁଛନ୍ତି ଗୁଣପୁର ବ୍ଲକ ଭୁଲସୁଣ୍ଡା ଗ୍ରାମର ଦୁର୍ଯ୍ୟଧନ ଶବର । ଛତୁଚାଷ କରି ସ୍ବାବଲମ୍ବୀ ହେବା ସହ ଅନ୍ୟକୁ ନିଯୁକ୍ତି ଯୋଗାଇଛନ୍ତି ।

ନବରଙ୍ଗପୁର ଜିଲ୍ଲାରେ କନଷ୍ଟେବଳ ଭାବେ କାର୍ଯ୍ୟ କରୁଥିଲେ  । ହେଲେ ଚାଷ ପ୍ରତି ଥିବା ତାଙ୍କ ଆଗ୍ରହ ଚାକିରି ଛାଡିବାକୁ ବାଧ୍ୟ କରିଛି  । ସେ ଏବେ ନିଜ ଗାଁରେ ଥିବା ଚାଷ ଜମିରେ ଛତୁ ଚାଷ କରି ବେଶ୍ ଦୁଇ ପଇସା ରୋଜଗାର କରୁଛନ୍ତି  ।

ଚାକିରି ପଛରେ ନଗୋଡାଇ ମଧ୍ୟ ଭଲ ରୋଜଗାର ହୋଇପାରେ  । ଏହାର ଜ୍ବଳନ୍ତ ଉଦାହରଣ ପାଲଟିଛନ୍ତି ଦୁର୍ଯ୍ୟୋଧନ  । କେବଳ ଛତୁ ଚାଷ ନୁହଁ ଇଚ୍ଛା ଥିଲେ ମରୁଭୂମି ବି ଶସ୍ୟଶ୍ୟାମଳା ହୋଇପାରିବ  । ବର୍ତମାତ ଯୁବପିଢିଙ୍କ ପାଇଁ ଦୁର୍ଯ୍ୟୋଧନ ପ୍ରେରଣାର ଉତ୍ସ ପାଲଟିଛନ୍ତି  । ଦୁର୍ଯ୍ୟୋଧନଙ୍କ ଛତୁର ବଜାରରେ ବେସ ଚାହିଦା ରହିଥିବା କହିଛନ୍ତି ଗ୍ରାହକ  ।