୪୦ ଏକର ଜଙ୍ଗଲରେ ୪ କୋଟିରୁ ଊର୍ଦ୍ଧ୍ୱ ମୂଲ୍ୟର ଗଞ୍ଜେଇ ନଷ୍ଟ

ଗୁଣପୁର: ରାୟଗଡ଼ା ଜିଲ୍ଲାରେ ଅପରେସନ୍ କ୍ଲିନ୍ ଗ୍ରିନ୍ । ପଦ୍ମପୁର ଥାନା ନାରିମା ଓ ପାରିମା ନିକଟବର୍ତ୍ତୀ ୨ଟି ପୃଥକ ଜଙ୍ଗଲରୁ ବିପୁଳ ପରିମାଣର ଗଞ୍ଜେଇ ଚାଷ ନଷ୍ଟ କରିଛି ପୋଲିସ ଓ ଅବକାରୀ ବିଭାଗ । ପ୍ରାୟ ୪୦ ଏକରରୁ ଊର୍ଦ୍ଧ୍ୱ ଏକରରେ ଗଞ୍ଜେଇ ଚାଷ ନଷ୍ଟ କରାଯାଇଛି । ନଷ୍ଟ ହୋଇଥିବା ୪୦ ହଜାର ଗଛ ଯାହାର ଆନୁମାନିକ ମୂଲ୍ୟ ୪ କୋଟି ୮୦ ଲକ୍ଷ ଟଙ୍କା ହେବ । ଏନେଇ ଗୁଣପୁର ଏସଡିପିଓ ରାଜ କିଶୋର ଦାସ ସୂଚନା ଦେଇଛନ୍ତି ।

ଅନ୍ୟପଟେ ଗୁଡାରୀ ପୋଲିସ ୧୦୬ କେଜି ଗଞ୍ଜେଇ ଜବତ କରିବା ସହ ଜଣେ ଅଭିଯୁକ୍ତକୁ ଗିରଫ କରିଛି । ଅଭିଯୁକ୍ତ ଜଣକ ହେଲେ ଗୁଡାରୀ ଥାନା ଲିଙ୍ଗିପଦର ଗାଁର ପିଟର କ୍ରିପାତିକା । ସେ କନ୍ଧମାଳ ଜିଲ୍ଲାର ବ୍ରାହ୍ମଣୀଗାଁ ଗଞ୍ଜେଇ ଚାଲାଣ ଯୋଜନା କରୁଥିବାବେଳେ ପୋଲିସ ଧରିଥିବା ଜଣାପଡ଼ିଛି ।