ଭୁବନେଶ୍ବର: ପୁଣି ରାଜଧାନୀ ଉପକଣ୍ଠରେ ଫୁଟିଲା ଗୁଳି। ଖୋର୍ଦ୍ଧା ଶିଳ୍ପାଞ୍ଚଳ ଥାନା ଅଞ୍ଚଳରେ ଗୁଳିମାଡ଼ ହୋଇଥିବା ଜଣାପଡିଛି। ୧୬ ନମ୍ବର ଜାତୀୟ ରାଜପଥ ପିତାପଲ୍ଲୀ ଛକ ନିକଟ ଗଣପତି ରାମ ପେଟ୍ରୋଲ ପମ୍ପ ସାମନାରେ ନିସାଶକ୍ତ ଅବସ୍ଥାରେ ଗୁଳିମାଡ଼ କରିଛନ୍ତି ଦୁର୍ବୃତ୍ତ।ଗୁଳିମାଡରୁ ଅଳ୍ପକେ ବର୍ତ୍ତିଯାଇଛନ୍ତି ଯୁବକ। ୪ ରାଉଣ୍ଡ ଗୁଳି ଫୁଟିଥିବା ଅଭିଯୋଗ ହୋଇଛି। ଖବର ପାଇ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ଖୋର୍ଦ୍ଧା ଶିଳ୍ପାଞ୍ଚଳ ପୋଲିସ। ଭୁବନେଶ୍ଵର ଇନଫୋଭ୍ୟାଲି ଥାନା ଟିମ ମଧ୍ୟ ଗୁଳିମାଡ଼ ସ୍ଥଳରେ ପହଞ୍ଚି ତନାଘନା କରିଥିଲା। ତେବେ ଗୁଳିମାଡ଼ ଅଂଚଳ ଖୋର୍ଦ୍ଧା ଶିଳ୍ପାଞ୍ଚଳ ଥାନା ଅଧୀନରେ ଆସୁଥିବାରୁ ସେଠାକାର ପୋଲିସ ମାମଲା ତଦନ୍ତ କରୁଛି। ଗୁଳିମାଡ଼ କରିଥିବା ଯୁବକ ନୟାପଲ୍ଲୀ ଅଞ୍ଚଳର ରାଜେଶ ବୋଲି ଜଣାପଡିଛି। ପୂର୍ବରୁ ତା ନାଁରେ ଏକାଧିକ ଅଭିଯୋଗ ବିଭିନ୍ନ ଥାନାରେ ରହିଛି…
