ପେଟ୍ରୋଲ ପମ୍ପରେ ଅସାମାଜିକ ଯୁବକଙ୍କ ଗୁଣ୍ଡାଗିରି, ପମ୍ପ ଜାଳି ଦେବାକୁ ଉଦ୍ୟମ

ବଲାଙ୍ଗୀର: ବଲାଙ୍ଗୀର ଟାଉନ୍ ଥାନା ନିକଟରେ ଥିବା ପେଟ୍ରୋଲ ପମ୍ପରେ ଅସାମାଜିକ ଯୁବକଙ୍କ ଗୁଣ୍ଡାଗିରି I ଗତକାଲି ସନ୍ଧ୍ୟାରେ ପେଟ୍ରୋଲ ପମ୍ପକୁ ଆସି ଯୁବକ ଜଣକ ହଠାତ୍ ପେଟ୍ରୋଲ ମାଗିଥିଲେ I କେହି କିଛି ବୁଝିବା ପୂର୍ବରୁ ଯୁବକ ଜଣକ ପେଟ୍ରୋଲ ପମ୍ପ କର୍ମଚାରୀଙ୍କୁ ମାଡ ମାରିବା ସହ ପମ୍ପ ଜାଳି ଦେବାକୁ ଉଦ୍ୟମ କରିଥିଲା। ପେଟ୍ରୋଲ ପମ୍ପ କର୍ମଚାରୀଙ୍କ ହାତରେ ଗଭୀର ଆଘାତ ଲାଗିଛି I ପେଟ୍ରୋଲ ପମ୍ପ ମାଲିକ ସନ୍ଦୀପ ଅଗ୍ରୱାଲ ଏନେଇ ଥାନାରେ ଏତଲା ଦେଇଛନ୍ତି I ଆକ୍ରମଣ କରି ଫେରାର୍ ମାରିଥିବା ଯୁବକ ଜଣକ ହେଲେ ବରପାଲିପଡ଼ାର ରୋହନ ଜେନା। ଟାଉନ ଥାନା ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।