ସୁନ୍ଦରଗଡ଼ ବଣାଇଁ ମାଲଦାରେ ଗୁଳିକାଣ୍ଡ, ବଚସା ପରେ ୪ ରାଉଣ୍ଡ ଗୁଳି ଚଳାଇଲେ ଦୁର୍ବୃତ୍ତ

ସୁନ୍ଦରଗଡ଼: ସୁନ୍ଦରଗଡ଼ ବଣାଇଁ ମାଲଦାରେ ଗୁଳିକାଣ୍ଡ ଘଟଣା । ତିନିଜଣ ଦୁର୍ବୃତ୍ତ ଏକ ନମ୍ଵର ବିହିନ ପଲସରରେ ଆସିଥିଲେ । ଢାବା ମାଲିକ ସହ ବଚସା ପରେ ୪ ରାଉଣ୍ଡ ଗୁଳି ଚଳାଇଥିଲେ । ଗୁଳିମାଡ଼ରେ ଢାବା ମାଲିକ ରମେଶ ଚାତମ୍ବଙ୍କର ମୃତ୍ୟୁ ହୋଇଛି । ଢାବା ମାଲିକଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବାବେଳେ ଜଣେ କର୍ମଚାରୀକୁ ଗୁରୁତର ଅବସ୍ଥାରେ ପ୍ରଥମେ ଯୋଡ଼ା ଓ ପରେ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ପୂର୍ବ ଶତ୍ରୁତାକୁ ନେଇ ଏହି ଗୁଳିମାଡ଼ ହୋଇଥିବା ସନ୍ଦେହ କରାଯାଉଛି । କୋଇଡା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି ।