ବନ୍ଧୁକ ବେପାରୀ ଗିରଫ ହେବା ଘଟଣା, ଦୁଇ ଅଭିଯୁକ୍ତଙ୍କୁ ମାରାଥନ ଜେରା

ଭୁବନେଶ୍ୱର: ସ୍ପେଶାଲ କ୍ରାଇମ ୟୁନିଟ ହାତରେ ବନ୍ଧୁକ ବେପାରୀ ଗିରଫ ହେବା ଘଟଣା। ଦିନିକିଆ ରିମାଣ୍ଡରେ ଦୁଇ ଅଭିଯୁକ୍ତଙ୍କୁ ମାରାଥନ ଜେରା। ଭୁବନେଶ୍ୱର ସାରକନ୍ତରା ଗ୍ରାମର ସୁରଜ ପରିଡା ଓ ବାଲେଶ୍ଵର ଜିଲ୍ଲା ସୋରର ତପୋଧର ନାୟକକୁ ଜେରା। ଜଣେ ଏଡିସିପି ରାଙ୍କର ଅଫିସରଙ୍କ ନେତୃତ୍ୱରେ ମୁଙ୍ଗେର ଲିଙ୍କ ନେଇ ପଚରାଉଚରା କରିଛି ଟିମ୍। ଆବଶ୍ୟକସ୍ଥଳେ ମୁଙ୍ଗେର ମଧ୍ୟ ଯାଇପାରେ ଟିମ।

ତେବେ ଖୋର୍ଦ୍ଧା ଅଞ୍ଚଳର ମୁଖ୍ୟ ଅଭିଯୁକ୍ତ ବବୁଲୁ ଖୁଣ୍ଟିଆ ଏବେବି ଫେରାର ଅଛି। କିଛିଦିନ ତଳେ କାର୍ବାଇନ ବନ୍ଧୁକ ସହ ଧରାପଡିଥିବା ମୋରାମ ମାଫିଆ ସଞ୍ଜୟ ଖୁଣ୍ଟିଆର ବବୁଲୁ ହେଉଛି ଭାଇ। ସୂଚନାଯୋଗ୍ୟ ଗତ ୨୭ ତାରିଖ ଦିନ ସ୍ପେଶାଲ କ୍ରାଇମ ୟୁନିଟ ପକ୍ଷରୁ ଚଢ଼ାଉ କରାଯାଇ ୫ ଟି ସେମି ଅଟୋମେଟିକ ବନ୍ଧୁକ, ୨୪ ରାଉଣ୍ଡ ଗୁଳିକୁ ଜବତ କରାଯାଇଥିଲା।