ଜମ୍ମ-କାଶ୍ମୀର କଂଗ୍ରେସରେ ଅସ୍ଥିରତା: ପ୍ରଚାର କମିଟି ଅଧ୍ୟକ୍ଷ ପଦରୁ ଇସ୍ତଫା ଦେଲେ ଗୁଲାମ ନବୀ ଆଜାଦ

1 min read

ଜମ୍ମୁ: ଜମ୍ମୁ-କାଶ୍ମୀର କଂଗ୍ରେସରେ ଅସ୍ଥିରତା । କଂଗ୍ରେସର ବରିଷ୍ଠ ନେତା ଗୁଲାମ ନବୀ ଆଜାଦଙ୍କୁ ପ୍ରଚାର କମିଟିର ଅଧ୍ୟକ୍ଷ କରାଯାଇଥିଲା । କିନ୍ତୁ ନିଯୁକ୍ତିର କିଛି ଘଣ୍ଟା ପରେ ଗୁଲାମ ନବୀ ପଦରୁ ଇସ୍ତଫା ଦେଇ ଦେଇଛନ୍ତି । ତେବେ ସେ କଣ ପାଇଁ ଇସ୍ତଫା ଦେଇଛନ୍ତି ସେନେଇ ସ୍ପଷ୍ଟ ସୂଚନା ମିଳିପାରିନାହିଁ । କିନ୍ତୁ ତାଙ୍କ ଇସ୍ତଫା ପରେ ଜମ୍ମୁ କାଶ୍ମୀର ରାଜନୀତିରେ ହଲଚଲ ଦେଖାଦେଇଛି । ସୂଚନାଥାଉକି କଂଗ୍ରେସ ମଙ୍ଗଳବାର ଜମ୍ମୁ-କାଶ୍ମୀର ସଂଗଠନରେ ବଡ଼ ପରିବର୍ତ୍ତନ କରିଥିଲା । ସଂଗଠନକୁ ଅଧିକ ମଜବୁତ କରିବା ପାଇଁ ଅନେକ ନୂଆ ନିଯୁକ୍ତି କରାଯାଇଥିଲା ।

ଦଳର ବରିଷ୍ଠ ନେତା ଗୁଲାମନବୀଙ୍କୁ ପ୍ରଚାର କମିଟିର ଅଧ୍ୟକ୍ଷ ଏବଂ ତାରିକ ହମିଦ କର୍ଯାଙ୍କୁ ଉପାଧ୍ୟକ୍ଷ ନିଯୁକ୍ତ କରିଥିଲା । ସେହିପରି ଘୋଷଣାପତ୍ର ସମିତିର ପ୍ରମୁଖ ଭାବେ ସୈଫୁଦ୍ଦୀନ ସୋଜ ଏଂ ଉପାଧ୍ୟକ୍ଷ ଅଧିବକ୍ତା ଭାବରେ ଏମକେ ଭରଦ୍ୱାଜଙ୍କୁ ଦାୟିତ୍ୱ ଦିଆଯାଇଥିଲା । ପ୍ରଚାର ଏବଂ ପ୍ରକାଶନ ସମିତିର ଅଧ୍ୟକ୍ଷ ଭାବେ ମୁଲାରାମଙ୍କୁ ନିଯୁକ୍ତ କରାଯାଇଛି । କିନ୍ତୁ ନିଯୁକ୍ତିର କିଛି ଘଣ୍ଟା ପରେ ଗୁଲାମ ନବୀ ନିଜ ପଦରୁ ଇସ୍ତଫା ଦେଇଛନ୍ତି । ଅନ୍ୟପକ୍ଷରେ ଶୀର୍ଷ ନେତୃତ୍ୱ ଚାହୁଁଥିଲେ ଗୁଲାମଙ୍କ ଅଧ୍ୟକ୍ଷତାରେ କଂଗ୍ରେସ ଜମ୍ମୁ କାଶ୍ମୀର ବିଧାନସଭା ନିର୍ବାଚନ ଲଢୁ । ସେଥିପାଇଁ ତାଙ୍କୁ ବଡ଼ ପଦ ଦିଯାଇଥିଲା ।