ବୋରଓ୍ବେଲରେ ଖସି ପଡ଼ିଲେ ଯୁବତୀ

ନନ୍ଦିଘୋଷ ବ୍ୟୁରୋ: ପୁଣି ବୋରୱେଲ ଅଘଟଣ। ଗୁଜରାଟରେ ଗଭୀର ବୋରୱେଲରେ ଖସି ପଡିଛନ୍ତି ୧୮ ବର୍ଷର ଯୁବତୀ। କଚ୍ଛ ଜିଲ୍ଲା ଭୁଜ ଅଂଚଳର କଣ୍ଡେରାୟ ଗାଁରେ ଥିବା ଏକ ୫ଫୁଟ ଗଭୀର ବୋରୱେଲ ମଧ୍ୟକୁ  ଖସିପଡିଛି ଯୁବତୀ। ଯୁବତୀଙ୍କୁ ଉଦ୍ଧାର କରିବାକୁ ଆରମ୍ଭ ରେସକ୍ଯୁ ଅପରେସନ। ଏନଡିଆରଏଫ୍ ଓ  ସ୍ଥାନୀୟ ପ୍ରଶାସନ ସହାୟତାରେ ଚାଲିଛି ରେସକ୍ଯୁ ଅପରେସନ। ଗତକାଲି ଅପରାହ୍ନ ସାଢେ ୫ଟା ସମୟରେ ଯୁବତୀ ଜଣଙ୍କ ବୋରୱେଲ ମଧ୍ୟକୁ ଖସି ପଡିଥିଲେ। ଖବର ପାଇବା ପରେ ଭୁଜ ଅଗ୍ନିଶମବାହିନୀ ତୁରନ୍ତ ପହଞ୍ଚି ରେସକ୍ଯୁ ଅପରେସନ ଆରମ୍ଭ କରିଥିଲା। ଘଟଣାସ୍ଥଳରେ ୧୦୮ ଆମ୍ବୁଲାନ୍ସ ଟିମ ସହ  ଅନ୍ୟ ରେସକ୍ଯୁ ଟିମ ପହଞ୍ଚିଥିଲେ। ବୋରୱେଲ ମଧ୍ୟକୁ କ୍ଯାମେରା ପଠାଇ  ଯୁବତୀ ଜଣଙ୍କ ସ୍ଥିତି ଯାଞ୍ଚ କରିଥିଲେ।

ଯୁବତୀ ଫସି ରହିଥିବା ସ୍ଥାନରେ ଅକ୍ସିଜେନ ପଠାଇବାକୁ ଉଦ୍ୟମ କରାଯାଉଛି। ପଶ୍ଚିମ କଚ୍ଛ ଏସପିଙ୍କ ସମେତ ଅନ୍ୟ ପ୍ରଶାସନିକ ଅଧିକାରୀ ଘଟଣାସ୍ଥଳରେ ଉପସ୍ଥିତ ଅଛନ୍ତି। ରେସକ୍ଯୁ ଅପରେସନରେ ଏସଡିଆରଏଫ୍ ଏବଂ ଏନଡିଆରଏଫ୍ ଟିମ ମୁତୟନ ହୋଇଛନ୍ତି। ଘଟଣାସ୍ଥଳରେ ବିଏସଏଫ ଅଧିକାରୀଙ୍କୁ ମଧ୍ୟ ଡକାଯାଇଛି। ତେବେ ବୋରୱେଲ ମଧ୍ୟରେ ଯୁବତୀଙ୍କ ଅବସ୍ଥା କିପରି ଅଛି ସେ ବିଷୟରେ କୌମସି ସୂଚନା ମିଳିପାରିନି।.ପାରିବାରିକ କଳହରୁ ଯୁବତୀ ଜଣକ ଜାଣିଶୁଣି ବୋରୱେଲ ମଧ୍ୟକୁ ଡେଇ ପଡ଼ିଥିବା ସନ୍ଦେହ କରାଯାଉଛି।