ପ୍ରଥମ ଶ୍ରେଣୀ ଛାତ୍ରୀଙ୍କୁ ଦୁଷ୍କର୍ମ ଉଦ୍ୟମ କରି ବିଫଳ ହେବା ପରେ ତଣ୍ଟି ଚିପି ପୋତି ଦେଲେ ପ୍ରିନ୍ସପାଲ

ଦାହୋଦ: ଗୁଜରାଟ ଦାହୋଦର ସୈତାନ ସ୍କୁଲ ପ୍ରିନ୍ସପାଲ । ପ୍ରଥମ ଶ୍ରେଣୀ ଛାତ୍ରୀଙ୍କୁ ଦୁଷ୍କର୍ମ କରିବାକୁ ଉଦ୍ୟମ କରି ବିଫଳ ହେବା ପରେ ହତ୍ୟା କରି ସ୍କୁଲ ହତାରେ ପୋତି ଦେଲେ । ଘଟଣାରେ ପୋଲିସ ଅଭିଯୁକ୍ତ ୫୫ ବର୍ଷିୟ ପ୍ରିନ୍ସପାଲ ଗୋବିନ୍ଦ ନଟ୍ଟଙ୍କୁ ଗିରଫ କରିଛି ।

ବରିଷ୍ଠ ପୋଲିସ ଅଧିକାରୀ ରାଜଦୀପ ସିଂ ଝାଲା କହିଛନ୍ତି, ଗତ ଗୁରୁବାର ୬ ବର୍ଷ ବୟସ୍କା ଛାତ୍ରୀଙ୍କୁ ପ୍ରିନ୍ସିପାଲ ଅଶାଳୀନ ଆଚରଣ ପ୍ରଦର୍ଶନ କରିଥିଲେ । ମାତ୍ର ଛାତ୍ରୀ ଜଣକ ଏହାକୁ ପ୍ରତିରୋଧ କରିବାରୁ ତାଙ୍କ ତଣ୍ଟି ଚିପି ହତ୍ଯା କରିଥିଲେ ପ୍ରିନ୍ସିପାଲ । ପରେ ମୃତଦେହକୁ କାରରେ ଆଣି ସ୍କୁଲ ପରିସରରେ ପୋତି ଦେଇଥିଲେ । ସେତିକି ନୁହେଁ ଛାତ୍ରୀଙ୍କ ବ୍ୟାଗ ସମେତ ଜୋତା ବି ପୋତି ଦେଇଥିଲେ । ଏହି ଘଟଣାର ତଦନ୍ତ ଲାଗି କମିଟି ଗଠନ ହୋଇଛି । ପ୍ରଥମେ ସେ ଏହି ଘଟଣାକୁ ଅସ୍ବୀକାର କରିଥିବାବେଳେ ପୋଲିସ ଜେରା ପରେ ସତ ମାନିଛନ୍ତି ।

ଛାତ୍ରୀଙ୍କୁ ପ୍ରିନ୍ସିପାଲ ତାଙ୍କ ଘରୁ କାରରେ ଆଣିଥିଲେ । ମାତ୍ର ବାଟରେ ହୀନ ଉଦ୍ଯମ କରିବାରୁ ପିଲାଟି ଚିତ୍କାର କରିଥିଲା । ପରେ ଛାତ୍ରୀର ତଣ୍ଟି ଚିପି ପ୍ରିନ୍ସିପାଲ ହତ୍ଯା କରିଥିଲେ । ଏହି ଘଟଣାକୁ ନିନ୍ଦା କରିଛନ୍ତି ରାଜ୍ଯ ଶିକ୍ଷାମନ୍ତ୍ରୀ କୁବେର ଦିନ୍ଦୋର ।