୨୦୨୨ ଗୁଜରାଟ ଦଙ୍ଗ ମାମଲା, ତିସ୍ତା ସେତଲଭାଡଙ୍କୁ ମିଳିଲା ଅନ୍ତରୀଣ ଜାମିନ

ନୂଆଦିଲ୍ଲୀ: ୨୦୦୨ ଗୁଜରାଟ ଦଙ୍ଗା ମାମଲା । ସମାଜସେବୀ ତିସ୍ତା ସେତଲଭାଡଙ୍କୁ ଅନ୍ତରୀଣ ଜାମିନ ପ୍ରଦାନ କଲେ ସୁପ୍ରିମକୋର୍ଟ । ସାକ୍ଷୀମାନଙ୍କ ସମ୍ପର୍କରେ ମିଥ୍ୟା ତଥ୍ୟ ପ୍ରସ୍ତୁତି ଓ ସେସବୁକୁ ନାନାବତୀ କମିଶନ ନିକଟରେ ଦାଖଲ ଅଭିଯୋଗ କ୍ରମେ ତାଙ୍କୁ ଗିରଫ କରାଯାଇଥିଲା । ତଦନ୍ତ ପ୍ରକ୍ରିୟାରେ ସମସ୍ତ ସହଯୋଗ କରିବା ସହ ନିଜର ପାସପୋର୍ଟ ଦାଖଲ କରିବାକୁ ମଧ୍ୟ ତିସ୍ତାଙ୍କୁ ନିର୍ଦ୍ଦେଶ ଦେଇଛନ୍ତି ସର୍ବୋଚ୍ଚ ଅଦାଲତ ।

ଅନ୍ତରୀଣ ଜାମିନ ଆବେଦନକୁ ଏକ ଦୌରାଜଜ ଓ ହାଇକୋର୍ଟ ଅଗ୍ରାହ୍ୟ କରିବା ପ୍ରତିବାଦରେ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଥିଲେ ତିସ୍ତା । ତିସ୍ତାଙ୍କ ଲାଗି ଲଢୁଥିଲେ ବରିଷ୍ଠ ଆଇନଜୀବୀ କପିଲ ସିବଲ । ଗୁଜରାଟ ସରକାରଙ୍କ ପକ୍ଷରୁ ମାମଲା ଲଢୁଥିଲେ ସଲିସିଟର ଜେନେରାଲ ତୁଷାର ମେହେଟ୍ଟା । ୨୦୦୨ ଗୁଜରାଟ ଦଙ୍ଗା ମାମଲାରେ ନିରୀହ ଲୋକଙ୍କୁ ଫସାଇବା ଲାଗି ମିଥ୍ୟା ପ୍ରମାଣ ଯୋଗାଡ଼ କରୁଥିବା ନେଇ ତିସ୍ତାଙ୍କ ବିରୋଧରେ ଅଭିଯୋଗ ହେବା ସହ ପୂର୍ବତନ ଆଇପିଏସ ଆର.ବି. ଶ୍ରୀକୁମାର ଓ ସଞ୍ଜୀବ ଭଟ୍ଟଙ୍କୁ ଗିରଫ କରାଯାଇଥିଲା ।