ମୋଦି ସାଙ୍ଗିଆ ମାନହାନୀ ମାମଲା : ଆଜି ରାହୁଲ ଗାନ୍ଧୀଙ୍କ ରିଭ୍ୟୁ ପିଟିସନ ଆବେଦନ ଶୁଣାଣି

ନୂଆଦିଲ୍ଲୀ :  ମୋଦି ସାଙ୍ଗିଆ ମାନହାନୀ ମାମଲା । ଆଜି ରାହୁଲ ଗାନ୍ଧୀଙ୍କ ରିଭ୍ୟୁ ପିଟିସନ ଆବେଦନ ଉପରେ ଶୁଣାଣି କରିବେ ଗୁଜରାଟ ହାଇକୋର୍ଟ । ତଳ କୋର୍ଟଙ୍କ ଦ୍ବାରା ଦୋଷୀ ରାହୁଲ ଗାନ୍ଧୀଙ୍କ ଉପରେ ରାୟ ଆସିବ । ଦଣ୍ଡାଦେଶ ଉପରେ ରହିତାଦେଶ ପାଇଁ ହାଇକୋର୍ଟ ଯାଇଥିଲେ ରାହୁଲ ।

ପୂର୍ବରୁ କୋର୍ଟ ଏହି ମାମଲାରେ ରାହୁଲ ଗାନ୍ଧୀଙ୍କୁ ମଧ୍ୟବର୍ତ୍ତୀକାଳୀନ ସୁରକ୍ଷା ମନା କରିଦେଇଥିଲେ ଏବଂ ତାଙ୍କ ଆବେଦନକୁ ସଂରକ୍ଷିତ ରଖିଥିଲେ । ଯଦି କୋର୍ଟ ଦଣ୍ଡାଦେଶ ଉପରେ ରହିତାଦେଶ ଜାରି କରନ୍ତି ତେବେ ରାହୁଲଙ୍କ ଅଯୋଗ୍ୟତା ପ୍ରତ୍ୟାହାର ହୋଇପାରେ । ସେହିପରି ଯଦି ତାଙ୍କର ନିଲମ୍ବନ ସ୍ଥଗିତ ନହୁଏ ତେବେ ଗୁଜୁରାଟ ହାଇକୋର୍ଟର ଏକ ଉଚ୍ଚ ବେଞ୍ଚରେ ରାହୁଲ ଗାନ୍ଧୀଙ୍କ ନିକଟରେ ଆବେଦନ କରିବାର ବିକଳ୍ପ ରହିବ ବୋଲି ଜଣାପଡ଼ିଛି ।

ଗତ ୧୩ ଏପ୍ରିଲ ୨୦୧୯ରେ କର୍ଣ୍ଣାଟକ କୋଲରରେ ମୋଦି ସାଙ୍ଗିଆକୁ ନେଇ ରାହୁଲଙ୍କ ବିବାଦୀୟ ବୟାନ ପରେ ଆଇପିସିର ଧାରା ୪୯୯, ୫୦୦ ଓ ୫୦୪ ଅନୁସାରେ ମାମଲା ରୁଜୁ ହୋଇଥିଲା । ଗତ ୨୩ ମାର୍ଚ୍ଚରେ ମାନହାନି ମାମଲାରେ ରାହୁଲଙ୍କୁ ଦୋଷୀ ସାବ୍ୟସ୍ତ କରିବା ସହ ୨ ବର୍ଷ ଜେଲଦଣ୍ଡାଦେଶ ଦେଇଥିଲେ ସିଜେଏମ କୋର୍ଟ । କୋର୍ଟ ରାୟ ପରେ ଗତ ୨୪ ମାର୍ଚ୍ଚରେ ସାଂସଦ ପଦ ହରାଇଥିଲେ ରାହୁଲ ଗାନ୍ଧୀ ।