ନିୟମ ଭାଙ୍ଗିବାରୁ ମନ୍ତ୍ରୀଙ୍କ ପୁଅକୁ ଏମିତି ତୋଡ ଦେଖାଇ ଲେଡି କନେଷ୍ଟବଳ
1 min read
ଅହମ୍ମଦାବାଦ୍: ମନ୍ତ୍ରୀଙ୍କ ପୁଅ ଆଉ ଜଣେ ଲେଡ଼ି କନେଷ୍ଟବଳଙ୍କ ଝଗଡ଼ାକୁ ନେଇ ଚାରିଆଡ଼େ ଝଗଡ଼ା । ଯେଉଁଠି ନିୟମ ଉଲ୍ଲଂଘନ କରିବାରୁ ଲେଡି କନେଷ୍ଟବଳ ଦେଖାଇଛନ୍ତି ତାଙ୍କ ଦବଙ୍ଗଗିରି । ଘଟଣାଟି ହେଉଛି ଗୁଜରାଟର । ଯେଉଁଠି ସ୍ୱାସ୍ଥ୍ୟମନ୍ତ୍ରୀ ତଥା ସୁରତ ବିଧାୟକ କୁମାର କାନାଣିଙ୍କ ପୁଅ ପ୍ରକାଶଙ୍କ ସହ ସୁରତର ଲେଡି କନେଷ୍ଟବଳଙ୍କ ମଧ୍ୟରେ ତର୍କ ଏବେ ଚର୍ଚ୍ଚାରେ । ଏହି ଝଗଡ଼ା ତଥା ତର୍କ କର୍ଫ୍ୟୁ ସମୟରେ ରାତିରେ ବିନା ମାସ୍କରେ ବୁଲୁଥିବା ମନ୍ତ୍ରୀଙ୍କ ପୁଅର ବନ୍ଧୁମାନଙ୍କ ସହ ହୋଇଥିଲା । ସେମାନଙ୍କୁ ନେବା ପାଇଁ ଆସିଥିବା ମନ୍ତ୍ରୀଙ୍କ ପୁଅ ପ୍ରକାଶଙ୍କ ସହ ବିତର୍କ ସୋସିଆଲ ମିଡିଆରେ ଭାଇରାଲ ହୋଇଛି ଏବଂ ଏହାପରେ ଲୋକମାନେ ସୁନୀତାଙ୍କୁ ସୋସିଆଲ ମିଡିଆରେ ଷ୍ଟାର କରିଦେଇଛନ୍ତି ।
କିଛି ଲୋକ ତାଙ୍କୁ ଯୁବ କିରଣ ବେଦୀଙ୍କ ଆଖ୍ୟା ମଧ୍ୟ ଦେଇଛନ୍ତି । କେହି କେହି ତାଙ୍କୁ ଲେଡି ସିଙ୍ଗହମ୍ ବୋଲି ମଧ୍ୟ କହିଛନ୍ତି । ତେବେ ଏହି ମାମଲାରେ ସୁରଟ ପୋଲିସ କୁମାର କାନାଣୀଙ୍କ ପୁଅଙ୍କ ବିରୋଧରେ ମାମଲା ରୁଜୁ କରି ତାଙ୍କୁ ଗିରଫ କରିଛି । କେବଳ ସେତିକି ନୁହେଁ, ଏହି ମାମଲାରେ ଖରାପ ବ୍ୟବହାର କରିଥିବା ଅଭିଯୋଗରେ ସୁନୀତାଙ୍କ ବିରୋଧରେ ମଧ୍ୟ ଯାଞ୍ଚର ନିର୍ଦ୍ଦେଶ ଦିଆଯାଇଛି । ତେବେ ପ୍ରକାଶ ଏବଂ ସୁନୀତାଙ୍କ ମଧ୍ୟରେ ହୋଇଥିବା ଏହି ବାର୍ତ୍ତାଳାପକୁ ନେଇ ଅନେକ ଆଲୋଚନା ହେଉଛି । ଆସନ୍ତୁ ଜାଣିବା କଣ ଥିଲା ସେହି ବର୍ତ୍ତାଆଳାପ ଯାହା ଖୁବ୍ ଜୋରରେ ଭାଇରାଲ ହେବାରେ ଲାଗିଛି ।
ପ୍ରକାଶ: ଏହା ମୋର ବନ୍ଧୁ, ମୁଁ ତାକୁ ବୁଝାଇବାକୁ ଆସିଛି । ଏମାନେ ମୋ ଭାଇ ଭଳିଆ ।
ସୁନୀତା: ଆପଣ ଗୁଜୁରାଟ ସରକାରରେ କେଉଁ ପଦରେ ଅଛନ୍ତି ? ଆପଣଙ୍କ କାରରେ MLA ଲେଖାଥିବା ପ୍ଲେଟ୍ କାହିଁକି ଲାଗିଛି ?
ପ୍ରକାଶ: ହଁ ମ୍ୟାଡାମ୍, ମୁଁ ପ୍ଲେଟ୍ ହଟାଇ ଦେଉଛି । ଏହି କାରଟି ମୋର ବାପାଙ୍କର, ସେ ଏଠାକାର ବିଧାୟକ ଏବଂ ରାଜ୍ୟର ସ୍ୱାସ୍ଥ୍ୟମନ୍ତ୍ରୀ ।
ସୁନୀତା: ତାଙ୍କର ନାମ କ’ଣ ? ଆପଣ କଣ ଆପଣଙ୍କ ବାପାଙ୍କୁ କହିକି ଆସିଛନ୍ତି କି ଆପଣ କର୍ଫ୍ୟୁରେ ବାହାରକୁ ବାହାରିଛନ୍ତି ? ତାଙ୍କ ସହ ମୋ କଥାବାର୍ତ୍ତା କରାଅ ?
ପ୍ରକାଶ: ହଁ ମାଡାମ ମୁଁ ସାମାଜ ସେବା କରେ । ଆପଣ ମଧ୍ୟ ସାମାଜ ସେବାରେ ଅଛନ୍ତି । ମୁଁ ସେମାନଙ୍କୁ ବୁଝାଇବାକୁ ଆସିଛି (ପିତା କୁମାର କାନାଣୀଙ୍କୁ ଫୋନ କରନ୍ତି)
ସୁନୀତା: ନମସ୍କାର ସାର୍! ଆପଣ କୁମାର କାନାଣୀ କହୁଛନ୍ତି କି ? ଆପଣ କଣ ଜାଣନ୍ତି କି ଆପଣଙ୍କ ପୁଅ କର୍ଫ୍ୟୁ ଭାଙ୍ଗିବା ବାହାରକୁ ଆସିଛନ୍ତି। କଣ ସେ ଫୋନରେ କଥା ହୋଇପାରିବେ ନଥାନ୍ତେ ।
କୁମାର କାନାନି: ଆପଣ ମୋତେ ଜେରା କରୁଛନ୍ତି କି ?
ସୁନୀତା: ନା ସାର୍, ମୁଁ ପଚାରୁଛି । ଏବଂ ଆପଣଙ୍କ କାରରେ MLA ର ପ୍ଲେଟ୍ ଅଛି, ତେବେ ଆପଣଙ୍କ ପୁଅ ଆପଣଙ୍କ କାରରେ ବୁଲିବା ଠିକ୍ କି?
କୁମାର କାନାନି: ଯଦି ସେ କୌଣସି ଅନୈତିକ କାର୍ଯ୍ୟ କରିଛନ୍ତି, ତେବେ ଆପଣ କାର୍ଯ୍ୟାନୁଷ୍ଠାନ ଗ୍ରହଣ କରିପାରିବେ । ମୋତେ ବ୍ୟବସ୍ଥା ବିଷୟରେ ଜ୍ଞାନ ଦେବା ଦରକାର ନାହିଁ ।
ସୁନୀତା: ଠିକ୍ ଅଛି ସାର୍
ସୁନୀତା: (ବରାଛା ପୋଲିସ ଇନ୍ସପେକ୍ଟରଙ୍କ ଠାରୁ) ସାର୍, ଏଠାରେ କିଛି ଲୋକ ମିଳିଛନ୍ତି ୟେଉଁମାନେ ମାସ୍କ ପିନ୍ଧି ନାହାଁନ୍ତି ଏବଂ ମନ୍ତ୍ରୀ କାନାଣୀଙ୍କ ପୁଅ ସେମାନଙ୍କୁ ନେବା ପାଇଁ ଆସିଛନ୍ତି ।
ବାରାଚା ପୋଲିସ ଇନ୍ସପେକ୍ଟର: ତୁମର କର୍ତ୍ତବ୍ୟ କ’ଣ?
ସୁନୀତା: ସାର୍, ଯେଉଁମାନେ କର୍ଫ୍ୟୁରୁ ବାହାରିଥିଲେ ସେମାନଙ୍କୁ ରୋକିବା ।
ବରାଛା ପୋଲିସ୍ ଇନ୍ସପେକ୍ଟର: ମୁଁ ତୁମକୁ ସ୍ପଷ୍ଟ ଭାବରେ ବୁଝାଇଥିଲି ଯେ ସେଠାରେ କୌଣସି ହୀରା ୟୁନିଟ୍ ଖୋଲା ରହିବା ଉଚିତ୍ ନୁହେଁ, ଏହା ତୁମର କର୍ତ୍ତବ୍ୟ । ଏହାପୂର୍ବରୁ ମଧ୍ୟ ଆପଣଙ୍କ ବିରୁଦ୍ଧରେ ଆଚରଣ ଅଭିଯୋଗ ହୋଇଛି, ଆପଣ ଜାଣନ୍ତି କି ?
