କମଲେଶ ତିୱାରୀ ତ୍ୟାକାଣ୍ଡରେ ୨ ଅଭିଯୁକ୍ତ ଗିରଫ, ଏଟିଏସର ତନାଘନା ଜାରି

ହିନ୍ଦୁ ସମାଜ ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷ କମଲେଶ୍ ତିୱାରୀ ହତ୍ୟାକାଣ୍ଡର ପର୍ଦାଫାସ ହୋଇଛି । ହତ୍ୟାକାଣ୍ଡକୁ ଚାରିଦିନ ବିତିଯାଇଥିବା ବେଳେ ଗୁଜୁରାଟ ଏଟିଏସ୍ ୨ ଜଣଙ୍କୁ ଗିରଫ କରିବାରେ ସଫଳ ହୋଇଛି । ଏ ଦୁଇଜଣଙ୍କ ମଧ୍ୟରୁ ଜଣେ ମାଷ୍ଟର ମାଇଣ୍ଡ ବୋଲି ପୋଲିସ କହିଛି । ରାଜସ୍ଥାନ ସୀମା ସାମଲଜିରୁ ଏହି ଦୁଇ ଅଭିଯୁକ୍ତଙ୍କୁ ଗିରଫ କରାଯାଇଛି । ଦୁଇ ଅଭିଯୁକ୍ତଙ୍କ ନାଁ ଶେଖ୍ ଅସରଫ୍ ହୁସେନ୍ ଏବଂ ପଠାନ୍ ମୋଇନୁଦ୍ଦିନ୍ ଅହମ୍ମଦ ବୋଲି ଜଣାପଡିଛି ।

ଦୁଇ ଅଭିଯୁକ୍ତ ନିଜ ଦୋଷ ସ୍ୱୀକାର କରି କହିଛନ୍ତି କମଲେଶ୍ ତିୱାରୀଙ୍କ ବିବାଦୀୟ ବୟାନକୁ ନେଇ ତାଙ୍କୁ ହତ୍ୟା କରାଯାଇଛି । ୨୦୧୫ରେ ମହମ୍ମଦ ପେଗମ୍ବରଙ୍କୁ ନେଇ ବିବାଦୀୟ ମନ୍ତବ୍ୟ ଦେଇଥିଲେ କମଲେଶ ଯାହାକୁ ନେଇ ତାଙ୍କୁ ଗିରଫ ମଧ୍ୟ କରାଯାଇଥିଲା । କମଲେଶଙ୍କ ଉପରେ ଫତୱା ମଧ୍ୟ ଜାରି କରାଯାଇଥିଲା । କମଲେଶଙ୍କୁ ହତ୍ୟା କରିବାକୁ ସୁରତରେ ଯୋଜନା ହୋଇଥିବା ପୋଲିସ ଜାଣିବାକୁ ପାଇଛି । ')}