ଘରୋଇ ଡାକ୍ତରଙ୍କ ପାଇଁ ଜାରି ହେଲା ଗାଇଡଲାଇନ୍: ସବୁ ରୋଗୀଙ୍କ ପଞ୍ଜୀକରଣ ବାଧ୍ୟତାମୂଳକ
1 min read
ଭୁବନେଶ୍ୱର: ଘରୋଇ ଡାକ୍ତର ଓ ମେଡିକାଲ ଅଫିସରଙ୍କ ପାଇଁ ଆସିଲା ଗାଇଡଲାଇନ । ଗାଇଡଲାଇନ ଜାରି କଲା ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ । ବହୁ ସଂଖ୍ୟାରେ ଡାକ୍ତର ସଂକ୍ରମିତ ହେଉଥିବାରୁ ଗାଇଡଲାଇନ ଜାରି କରାଯାଇଛି । ଘରୋଇ କ୍ଲିନକ ଓ ନର୍ସିଂହୋମରେ ଥଣ୍ଡା ଜ୍ୱର ପାଇଁ ଆଇସୋଲେସନ ଗୃହ କରାଯାଇଛି । ସମସ୍ତଙ୍କ ପାଇଁ ରହିବ ହ୍ୟାଣ୍ଡ ସାନିଟାଇଜର, ମାସ୍କ ଓ ହାତଧୁଆ ବ୍ୟବସ୍ଥା କରାଯାଇଛି ।
ସମସ୍ତ ପ୍ରକାର ଡାକ୍ତରୀ ଉପକରଣକୁ ସାନିଟାଇଜ କରାଯିବ । ଥଣ୍ଡା ଜ୍ୱର ରୋଗୀଙ୍କ ପାଇଁ ରହିବ ସ୍ୱତନ୍ତ୍ର ରିସେପସନ ବ୍ୟବସ୍ଥା । ହଟସ୍ପଟରୁ ଆସୁଥିବା ରୋଗୀଙ୍କୁ କୋଭିଡ ହସପିଟାଲକୁ ପଠାଯିବ । ସବୁ ରୋଗୀଙ୍କ ପଞ୍ଜିକରଣ ବାଧ୍ୟତାମୂଳକ ବୋଲି ଗାଇଡଲାଇନରେ କୁହାଯାଇଛି । ସେହିପରି ଲକଡାଉନରେ ସରକାରୀ କର୍ମଚାରୀଙ୍କ କାର୍ଯ୍ୟକାରିତା ନେଇ ନିର୍ଦ୍ଦେଶନାମା ଜାରି କରାଯାଇଛି ।
ଡାକ୍ତରଖାନାରେ ଭର୍ତ୍ତି ହେଲେ ଐଶ୍ୱର୍ଯ୍ୟା ଏବଂ ଆରାଧ୍ୟା, ୫ ଦିନ ପୂର୍ବରୁ ହୋଇଥିଲା କରୋନା
ସ୍ୱାସ୍ଥ୍ୟ ବିଭାଗର ସମସ୍ତ କର୍ମଚାରୀ କାର୍ଯ୍ୟରେ ଯୋଗଦେବେ । ଜରୁରୀ ସେବାରେ ନଥିବା କର୍ମଚାରୀ ଘରେ ବସି କାମ କରିବେ । ସରକାରୀ କାର୍ଯ୍ୟ ପାଇଁ ସେମାନେ OSWASର ବ୍ୟବହାର କରିବେ । ରାଜ୍ୟ ଆଇଟି ସେଣ୍ଟର ୨୪ ଘଣ୍ଟିଆ କାର୍ଯ୍ୟକ୍ଷମ ରହିବ । ଲକଡାଉନ ସମୟରେ ସବୁ ସରକାରୀ କର୍ମଚାରୀ ହେଡକ୍ୱାଟରରେ ରହିବେ ।
