କଣ୍ଟେନ୍ମେଣ୍ଟ ଜୋନ୍ ବ୍ୟତୀତ ଅନ୍ୟ ସବୁ ଜୋନ୍ରେ ଗଡ଼ିବ ବସ୍
ନୂଆଦିଲ୍ଳୀ: ଲକ୍ଡାଉନ୍ ୪.୦ରେ ବସ୍ ଚଳାଚଳକୁ ଅନୁମତି ଦେଇଛନ୍ତି କେନ୍ଦ୍ର ଗୃହ ବିଭାଗ । କଣ୍ଟେନ୍ମେଣ୍ଟ ଜୋନ୍ ବ୍ୟତୀତ ଅନ୍ୟ ସବୁ ଜୋନ୍ରେ ଗଡ଼ିବ ବସ୍ । ଆପୋଷ ବୁଝାମଣା ଭିତ୍ତିରେ ଅନ୍ତଃ ରାଜ୍ୟ ବସ୍ ଚଳାଚଳ କରିପାରିବ । ତେବେ ରାଜ୍ୟ ଭିତରେ ବସ ଚଳାଚଳ ସମ୍ପୃକ୍ତ ରାଜ୍ୟ ଓ କେନ୍ଦ୍ର ଶାସିତ ପ୍ରଦେଶର ସରକାର ନିଷ୍ପତ୍ତି ନେବେ । ତେବେ ବସ୍ ଚଳାଚଳା ନେଇ କେନ୍ଦ୍ର ସରକାରଙ୍କ ପକ୍ଷରୁ ଜାରି ଷ୍ଟାଣ୍ଡାର୍ଡ ଅପରେଟିଂ ପ୍ରୋସିଜଓର ପାଳନ କରିବାକୁ ନିର୍ଦ୍ଦେଶ ଦିଆଯାଇଛି ।
ତେବେ ଅନ୍ୟ ଏକ ଗୁରୁତ୍ୱପୂର୍ଣ୍ଣ ସଂଶୋଧନ କରିଛନ୍ତି କେନ୍ଦ୍ର ସରକାର । ଏଣିକି ଜୋନ୍ ନିର୍ଦ୍ଧାରଣ କରିବେ ରାଜ୍ୟ ସରକାର । ରେଡ୍, ଅରେଞ୍ଜ ଓ ଗ୍ରୀନ ଜୋନ୍ ଚିହ୍ନଟ କରିବେ । କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଜାରି ପାରାମିଟରକୁ ଫଲୋ କରି ନିଷ୍ପତ୍ତି ନେବେ । ତେବେ ରେଡ୍, ଅରେଞ୍ଜ ଓ କଣ୍ଟେନମେଣ୍ଟ ମଧ୍ୟର କଟକଣା ନେଇ ଜିଲ୍ଲା ପ୍ରଶାସନ ପକ୍ଷରୁ ନିଷ୍ପତ୍ତି ନିଆଯିବ ।
କଣ୍ଟେନମେଣ୍ଟ ଜୋନ୍ ମଧ୍ୟରେ କେବଳ ଜରୁରୀକାଳୀନ କାର୍ଯ୍ୟ ପାଇଁ ଅନୁମତି ଦିଆଯାଇଛି । ମେଡିକାଲ କାର୍ଯ୍ୟ ବ୍ୟତୀତ ଅନ୍ୟ କୌଣସି କାମରେ ଜୋନ୍ ବାହାରକୁ ଯିବାକୁ ବାରଣ କରାଯାଇଛି ।
ସନ୍ଧ୍ୟା ୭ରୁ ସକାଳ ୭ ଯାଏଁ ଲାଗୁ ରହିବ କର୍ଫ୍ୟୁ
ପୂର୍ବ ଭଳି ଚଳିତ ଥର ମଧ୍ୟ ସନ୍ଧ୍ୟା ୭ଠାରୁ ସକାଳ ୭ ମଧ୍ୟରେ କର୍ଫ୍ୟୁ ବଳବତ୍ତର ରହିବ । ଜରୁରୀକାଳୀନ କାର୍ଯ୍ୟ ବ୍ୟତୀତ ଅନ୍ୟ କୌଣସି କାମରେ ଘରୁ ବାହାରକୁ ବାହାରିପାରିବେ ନାହିଁ ।
୬୫ ବର୍ଷଣୁ ଊର୍ଦ୍ଧ୍ୱ, ଗର୍ଭବତୀ ମହିଳା, ୧୦ ବର୍ଷରୁ କମ୍ ପିଲାଙ୍କୁ ଘରୁ ବାହାରିବାକୁ ବାରଣ କରାଯାଇଛି କେବଳ ଜରୁରୀକାଳୀନ କାର୍ଯ୍ୟ ସ୍ୱାସ୍ଥ୍ୟଗତ କାରଣ ଯୋଗୁଁ ହିଁ ଘରୁ ବାହାରକୁ ବାହାରିପାରିବେନାହିଁ ।
କ’ଣ ବନ୍ଦ ରହିବ
ସମସ୍ତ ଘରୋଇ ଏବଂ ଅନ୍ତର୍ଜାତୀୟ ବିମାନ ଚଳାଚଳ ବନ୍ଦ ରହିବ
ମେଡିକାଲ ସର୍ଭିସ, ଏୟାର ଆମ୍ୱୁଲାନ୍ସ ଚଳାଚଳ ନେଇ ଅନୁମତି ଦିଆଯାଇଛି
ମେଟ୍ରୋ ରେଲ୍ ସର୍ଭିସ ମଧ୍ୟ ବନ୍ଦ ରହିବ
ସ୍କୁଲ, କଲେଜ, ଶିକ୍ଷାନୁଷ୍ଠାନ, କୋଚିଂ ସେଣ୍ଟର ବନ୍ଦ ରହିବ । କିନ୍ତୁ ଅନଲାଇନ୍ରେ ପାଠ ପଢ଼ା ଏବଂ ସାମାଜିକ ଦୂରତ୍ୱ ସହିତ କ୍ଳାସ୍କୁ ଅନୁମତି ଦିଆଯାଇଛି ।
ହୋଟେଲ, ରେଷ୍ଟୁରାଣ୍ଟ, ହସ୍ପିଟାଲିଟି ସର୍ଭିସ ବନ୍ଦ ରହିବ ।
ସମସ୍ତ ସିନେମା ଘର, ସପିଂ ମଲ୍, ଜିମ୍, ସୁମିଂ ପୁଲ୍, ଥିଏଟର, ବାର୍, ଅଡିଟୋରିୟମ୍ ଭଳି ସ୍ଥାନ ବନ୍ଦ ରହିବ..
