GST ଠକେଇ ଅଭିଯୋଗ, ରାଉରକେଲାରେ ବଡ ଧରଣର ରେଡ୍
ରାଉରକେଲା: ଜିଏସଟି ଠକେଇ ଅଭିଯୋଗରେ ରାଉରକେଲା ସହରରେ ବଡ ଧରଣର ରେଡ୍। ରାଉରକେଲା ଜିଏସଟି ଏନଫୋର୍ସମେଣ୍ଟ ବିଭାଗ ପକ୍ଷରୁ ଏକକାଳୀନ ୫ଟି ସ୍ଥାନରେ ଚାଲିଛି ଚଢ଼ାଉ । ରାଉରକେଲା ସହରର ସିଭିଲ ଟାଉନସିପରେ ଦୁଇଟି ବାସଭବନ ଓ ଅଫିସରେ ରେଡ୍ ହୋଇଛି । କଲୁଙ୍ଗାରେ ଥିବା ୪ଟି ଟ୍ରେଡର୍ସ ଓ ଗୋଟିଏ କାରଖାନା, ଛେଣ୍ଡ କଲୋନୀର ଗୋଟିଏ ସ୍ଥାନ, କ୍ରିଷ୍ଣା ଚନ୍ଦ୍ର ଜୟସ୍ବାଲଙ୍କ ଅରିନା ଟ୍ରେଡର୍ସରେ ରେଡ୍ ହୋଇଛି ।
ସେହିପରି ମୁସାଫିର ଜୟସ୍ବାଲଙ୍କ ଜେଏମ ଷ୍ଟିଲ ଟ୍ରେଡର୍ସ ଓ ଗୌରୀଶଙ୍କର ଜୟସ୍ବାଲଙ୍କ ଡିଡି ଆଇରନ ଏଣ୍ଡ ଷ୍ଟିଲ ଟ୍ରେଡର୍ସ, ଜୟନ୍ତ କୁମାର ଜୟସ୍ବାଲଙ୍କ ଜୁମ ଟ୍ରେଡର୍ସରେ ଜିଏସଟି ବିଭାଗ ପକ୍ଷରୁ ରେଡ୍ ହୋଇଛି । ସମସ୍ତ ବ୍ୟବସାୟୀ ଗୋଟିଏ ପରିବାରର ହୋଇଥିବା ସୂଚନା ମିଳିଛି ।
