ଛଅ ମାସରେ ହୋଇଛି ୧ ହଜାର କୋଟିର GST ଠକେଇ

କଟକ: ଶେଷ ହୋଇଛି ଦୁଇବର୍ଷପରେ ବସିଥିବା SIT ବୈଠକ । ବିପଦପୂର୍ଣ୍ଣ ସ୍ଥିତିରେ ପହଞ୍ଚିଛି ନିଶା କାରବାର । ଗତ ୬ ରୁ ୭ ମାସ ଭିତରେ ୧ ହଜାର କୋଟି ଟଙ୍କାରୁ ଉର୍ଦ୍ଧ୍ବ ଜିଏସଟି ଠକେଇ ହୋଇଛି । ନିଶା କାରବାରରେ ବର୍ତ୍ତମାନ କଳାଧନର ବ୍ୟବହାର ବ୍ୟାପକ ମାତ୍ରାରେ ହେଉଥିବାରୁ ଚିନ୍ତା ପ୍ରକଟ କରିଛନ୍ତି SIT ଉପାଧ୍ୟକ୍ଷ ଜଷ୍ଟିସ ଅରିଜିତ ପଶାୟତ ।

ପାନାମା ପେପରସ କ୍ଷେତ୍ରରେ ୪ଶହରୁ ଅଧିକ ମାମଲା ରୁଜୁ ହୋଇଛି । ଏହା ଭିତରୁ ପ୍ରାୟ ୩ଶହଟି ମାମଲାରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ପାଣ୍ଡୋରା ପେପରସ ମାମଲାରେ ମାସକ ଭିତରେ ୭୦ ଟି ମାମଲା ରୁଜୁ ହୋଇଛି । ଏ ପର୍ଯ୍ୟନ୍ତ ୮ ଟି ରିପୋର୍ଟ SIT ସୁପ୍ରିମକୋର୍ଟରେ ଦାଖଲ କରିଛନ୍ତି । ଆଉ କିଛି ମାସ ମଧ୍ୟରେ ପରବର୍ତ୍ତୀ ରିପୋର୍ଟ ସୁପ୍ରିମକୋର୍ଟରେ ଦାଖଲ କରିବ SIT । ଆୟ ବହିର୍ଭୁତ ସମ୍ପତ୍ତି ଠୁଳ ମାମଲାର ତଦନ୍ତରେ ଇଡି ଓ ଆୟକର ବିଭାଗକୁ ସାମିଲ କରିବା ପାଇଁ ନିର୍ଦ୍ଦେଶ ଦେଲେ ଏସଆଇଟି ।