କେନ୍ଦ୍ର ଦେଲା ଜିଏସଟି କ୍ଷତିପୂରଣ ଅର୍ଥ, ଓଡ଼ିଶା ମିଳିଲା ୧୫୩୮କୋଟି ୫ ଲକ୍ଷ

ଭୁବନେଶ୍ୱର: କେନ୍ଦ୍ର ଅର୍ଥ ମନ୍ତ୍ରାଳୟ ବୁଧବାର ଆଉ ୬ ହଜାର କୋଟି ଟଙ୍କା ଜିଏସଟି କ୍ଷତିପୂରଣ ପ୍ରଦାନ କରିଛି । ଏଥିରୁ ୨୩ ରାଜ୍ୟକୁ ୫ ହଜାର ୫୧୬ କୋଟି ୬୦ ଲକ୍ଷ ଟଙ୍କା ପ୍ରଦାନ କରାଯାଇଥିବା ବେଳେ ଓଡିଶାକୁ କ୍ଷତିିପୂରଣ ବାବଦରେ ମିଳିଛି ୧୫୩୮ କୋଟି ୫ ଲକ୍ଷ ଟଙ୍କା  । ଏହାସହ ୩ କେନ୍ଦ୍ର ଶାସିତ ଅଞ୍ଚଳକୁ ୪୮୩ କୋଟି ୪୦ ଲକ୍ଷ ପ୍ରଦାନ କରିଛି କେନ୍ଦ୍ର ଅର୍ଥ ମନ୍ତ୍ରାଳୟ ।

ଏହାକୁ ମିଶାଇ ୬ ଥରରେ ବ୍ୟାକ ଟୁ ବ୍ୟାକ ୩୬ ହଜାର କୋଟି ପ୍ରଦାନ କରିସାରିଲାଣି କେନ୍ଦ୍ର । ତେବେ ରାଜ୍ୟମାନଙ୍କୁ ଜିଏସଟି କ୍ଷତିପୂରଣ ପାଇଁ କେନ୍ଦ୍ର କରୁଛି ଋଣ । କେନ୍ଦ୍ର ଉପରେ ରାଜ୍ୟ ଗୁଡିକର ୧ ଲକ୍ଷ ୬ ହଜାର ୮୩୦ କୋଟି ଜିଏସଟି ବକେୟା ରହିଛି । ଷଷ୍ଠ ରିଲିଜରେ ଓଡ଼ିଶାକୁ ମିଳିଛି ୧୫୩୮ କୋଟି ୫ ଲକ୍ଷ ଟଙ୍କା । ଏହିକ୍ରମରେ କର୍ଣ୍ଣାଟକକୁ ସର୍ବାଧିକ ୪୯୯୨ କୋଟି ୮୫ ଲକ୍ଷ ମିଳିଛି ।