ନନ୍ଦିଘୋଷ ବ୍ୟୁରୋ: ସୋମବାର ବିଳମ୍ବିତ ରାତିରେ ଏଲନ ମସ୍କଙ୍କ ରକେଟ ଇସ୍ରୋର ଜିସ୍ୟାଟ୍ ୨୦ ସାଟେଲାଇଟକୁ ନେଇ ସଫଳତାର ସହ ଉତକ୍ଷେପଣ ହୋଇଛି । ଏଲନ ମସ୍କଙ୍କ କମ୍ପାନୀ ସ୍ପେଶ ଏକ୍ସର ଫାଲ୍କନ ୯ ରକେଟ୍ ଭାରତର ଯୋଗାଯୋଗ ଉପଗ୍ରହ ଜିସ୍ୟାଟ ୨୦ର ସଫଳ ଲଞ୍ଚ୍ ହୋଇଛି । ସହଜ ଇଣ୍ଟରନେଟ ସେବା ପାଇଁ ୪୭୦୦ କିଲୋଗ୍ରାମ ଓଜନ ବିଶିଷ୍ଟ ଜିସ୍ୟାଟ୍ ଏନ ୨ ଲକ୍ଷ୍ୟ ରଖିଛି ।
ଅପହଞ୍ଚ ଇଲାକାରେ ଡାଟା ଓ ଇଣ୍ଟରନେଟ ସେବା ପ୍ରଦାନ ସହ ଭାରତୀୟ ଉପମହାଦ୍ବୀପ (ଆଣ୍ଡାମାନ ନିକୋବର, ଲକ୍ଷାଦ୍ବୀପ) ରେ ଇଣ୍ଟରନେଟ ସେବା ମିଳିବା ବିମାନ ଭିତରେ ଇଣ୍ଟରନେଟ ସେବା ଯୋଗାଇବା ଉଦ୍ଦେଶ୍ୟରେ ଜିସ୍ୟାଟ ଏନ ୨କୁ ଡିଜାଇନ କରାଯାଇଛି । ଇସ୍ରୋର ମାର୍କ ୩ ଲଞ୍ଚ ବାହାନ ଜିଓ ଷ୍ଟେସନାରୀ ଟ୍ରାନ୍ସଫର ଅର୍ବିଟରେ ସର୍ବାଧିକ ୪ ହଜାର କିଲୋଗ୍ରାମ ଓଜନ ସମ୍ଭାଳିବାର କ୍ଷମତା ରଖୁଛି । କିନ୍ତୁ ଏହି ଉପଗ୍ରହର ଓଜନ ୪ ହଜାର ୭୦୦ କିଲୋଗ୍ରାମ ଥିବାରୁ ସ୍ପେଶ ଏକ୍ସର ସାହାଯ୍ୟ ନେଇଛି ଇସ୍ରୋ ।
ବର୍ତ୍ତମାନ ସୁଦ୍ଧା ଭାରତରେ ଅବତରଣ କରୁଥିବା ବିମାନକୁ ନିଜ ଇଣ୍ଟରନେଟ ସେବା ବନ୍ଦ କରିବାକୁ ପଡିଥାଏ । କାରଣ ଭାରତ ପ୍ରଥମେ ଇନ୍ ଫ୍ଲାଇଟ କନେକ୍ଟିଭିଟିକୁ ଅନୁମତି ଦେଉନଥିଲା । କିନ୍ତୁ ନିକଟରେ ନିୟମ ପରିବର୍ତ୍ତନ ପରେ ଭାରତୀୟ ବିମାନ କ୍ଷେତ୍ରରେ ଇନ ଫ୍ଲାଇଟ ଇଣ୍ଟରନେଟ ଆକ୍ସେସକୁ ଅନୁମତି ମିଳିଛି । ନୂଆ ନିୟମ ଅନୁସାରେ ୩ ହଜାର ମିଟରରୁ ଅଧିକ ଉଚ୍ଚତାରେ ଉଡାଣ ଭରୁଥିବା ବିମାନକୁ ୱାଇଫାଇ ସେବାର ଅନୁମତି ମିଳିବ । କିନ୍ତୁ ଉଡାଣ ବେଳେ ଇଲେକ୍ଟ୍ରୋନିକ ସାମଗ୍ରୀର ବ୍ୟବହାର କରିବାକୁ ଅନୁମତି ଥିଲେ ହିଁ ଏହି ସେବା ଉପଲବ୍ଧ ହେବ ।
