ହୁଗୁଳି: ପଶ୍ଚିମବଙ୍ଗ ହୁଗୁଳିରେ ମଦକୁ ନେଇ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ହୋଇଛି । ଏହି ସଂଘର୍ଷରେ ପାଖାପାଖି ୮ ଜଣ ଆହତ ହୋଇଥିବା ଜଣାପଡିଛି।
ସୂଚନା ଅନୁଯାୟୀ, ହୁଗୁଳି ଜିଲ୍ଲା ଲକ୍ଷ୍ମୀ ବଜାରରେ ବେଆଇନ ଭାବେ ମଦ ବିକ୍ରି କରୁଥିଲେ ରାଜେଶ କୁମାର। ଏହି ସମୟରେ କିଛି ମଦ୍ୟପ ଯୁବକ ରାଜେଶଙ୍କୁ ମଦ ମାଗିଥିଲେ। କିନ୍ତୁ ଅଧିକ ଟଙ୍କାରେ ମଦ ବିକ୍ରି କରିବାରୁ ରାଜେଶଙ୍କ ସହିତ କିଛି ମଦ୍ୟପଙ୍କ ଯୁକ୍ତି ତର୍କ ହୋଇଥିଲା। ପରେ ଏହା ଗୋଷ୍ଠୀ ସଂଘର୍ଷର ରୂପ ନେବା ସହ ଗୁଳି ଚାଳନା ହୋଇଥିଲା।
ଏହାସହ ବଜାରରେ ୨୯ଟି ଦୋକାନକୁ ପୋଡି ଦେଇଥିଲେ ମଦ୍ୟପ ଗୋଷ୍ଠୀ । ତେବେ ଏଥିରେ ଗୁରୁତର ଆହତ ହୋଇଛନ୍ତି । ସମସ୍ତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିବା ଜଣାପଡିଛି। ଅପରପକ୍ଷେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ପୁରା ଅଞ୍ଚଳରେ ୧୪୪ ଧାରା ଜାରି କରିଛି।
