ଗଞ୍ଜାମ ଖାରିଗୁଡା ଗାଁରେ ଗୋଷ୍ଠୀ ସଂଘର୍ଷ, ଘରୁ ଡାକି ନେଇ ଦୁଇ ଯୁବକଙ୍କୁ ସଂଘବଦ୍ଧ ଆକ୍ରମଣ

ଗଞ୍ଜାମ: ଗଞ୍ଜାମ ଜିଲ୍ଲା ଗାଙ୍ଗପୁର ଥାନା ଅନ୍ତର୍ଗତ ଖାରିଗୁଡା ଗାଁରେ ଗୋଷ୍ଠୀ ସଂଘର୍ଷ । ଘରୁ ଡାକି ନେଇ ଦୁଇ ଯୁବକଙ୍କୁ ସଂଘବଦ୍ଧ ଆକ୍ରମଣ କରାଯାଇଥିବା ଅଭିଯୋଗ ହୋଇଛି । ଆକ୍ରମଣରେ ଜଣଙ୍କର ମୃତ୍ୟୁ ହୋଇଥିବା ବେଳେ, ଅନ୍ୟ ଜଣେ ଆହତ ହୋଇଛନ୍ତି । ମୃତକ ହେଲେ ଅମର ରାଉତ ଓ ଆହତ ଜଣଙ୍କ ହେଲେ ଶିବରାମ ପ୍ରଧାନ ।

ସୂଚନା ଅନୁସାରେ, ଅମର ରାଉତ ଓ ଶିବରାମ ପ୍ରଧାନ ଘରେ ଥିବା ବେଳେ, କାଲି ରାତିରେ ଗ୍ରାମର କିଛି ବ୍ୟକ୍ତି ଡାକିନେଇ ନିକଟରେ ଥିବା ଖାରିଗୁଡା ଗାଁ ରାସ୍ତାରେ ସଂଘବଦ୍ଧ ଭାବେ ଆକ୍ରମଣ କରିଥିଲେ । କାରଣ ଅସ୍ପଷ୍ଟ ଥିବା ବେଳେ, ପୂର୍ବ ଶତ୍ରୁତାକୁ ନେଇ ଘଟଣା ଘଟିଥିବା ଅନୁମାନ କରାଯାଉଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।