ଗୁଡ଼ି ଉଡ଼ାକୁ ନେଇ ଗୋଷ୍ଠୀ ସଂଘର୍ଷ, ୩ ଗୁରୁତର

ବାଲେଶ୍ୱର: ଗୁଡ଼ି ଉଡ଼ାକୁ କେନ୍ଦ୍ର କରି ବଟେଶ୍ୱର ଗାଁରେ ଗୋଷ୍ଠୀ ସଂଘର୍ଷ ହୋଇଛି । ଦୁଇ ପରିବାର ଭିତରେ ହୋଇଥିବା ଗଣ୍ଡଗୋଳରେ ବାପ, ପୁଅ ସହିତ ୩ ଜଣ ଗୁରୁତର ଆହାତ ହୋଇଛନ୍ତି । ବିଳମ୍ବିତ ରାତିରେ ସମସ୍ତ ଗୁରୁତରଙ୍କୁ ବାଲେଶ୍ୱର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।

ସୂଚନା ଅନୁସାରେ, ବଟେଶ୍ୱର ଗାଁର ଅନୀଲ ସାହାଙ୍କ ଦୁଇ ପୁଅ ଗୁଡ଼ି ଉଡ଼ାଉଥିଲେ । ପଡ଼ୋଶୀଙ୍କ ଗୁଡ଼ିକୁ କାଟି ଦେବାରୁ ଉଭୟ ପରିବାର ମଧ୍ୟରେ ଗଣ୍ଡଗୋଳ ଲାଗିଥିଲା । ଫଳରେ ପଡ଼ୋଶୀଙ୍କ ଆକ୍ରମଣରେ ଅନୀଲ ସାହାଙ୍କ ସମେତ ୨ ପୁଅ ଗୁରୁତର ଆହତ ହୋଇଛନ୍ତି । ସମସ୍ତଙ୍କୁ ଚିକିତ୍ସା ପାଇଁ ବାଲେଶ୍ୱର ମେଡିକାଲରେ ଭର୍ତ୍ତି କରାଯାଇଛି । ଏନେଇ ଥାନାରେ ଅଭିଯୋଗ ପରେ ପୋଲିସ ମାମଲା ରୁଜୁ କରି ତଦନ୍ତ କରୁଛି ।